Kombëtarja shqiptare e futbollit u mund dje 0-3 nga Kili, me miqësoren që u zhvillua në Parma të Italisë dhe në stadium ishin më shumë se 13 mijë tifozë shqiptarë.
Njëra prej të përditshmeve më të shitura sportive në Itali, “La Gazzetta dello Sport”, i ka kushtuar dy faqe të plota në numrin e sotëm kombëtares shqiptare. Lidhja mes dy vendeve nuk ka të bëjë vetëm me vendndodhjen gjeografike, pasi për të na bashkuar edhe më shumë kanë menduar lojtarët e shumtë shqiptarë, të cilët militojnë në Serinë A italiane.
“Flasin italisht, mendojnë si italianët dhe dashurojnë Italinë”, nis reportazhi i gazetës së njohur, e cila menjëherë citon lojtarin kryesor të Shqipërisë, Berat Gjimshitin: “Duhet ta kenë të qartë se nuk i trembemi askujt. Është e vërtetë se Italia është e fortë, ka histori dhe është favorite. Por në futboll kemi parë se surprizat janë të shumta”.
Pasi tregon se në vitet e fundit Gjimshiti është stërvitur në Kombëtare nga emra si De Biassi, Panucci dhe Reja, “Gazzetta” thekson se edhe çantat e shumta të zbarkuara nga magazinierët shqiptarë në “Tardini” të Parmës kanë diçka italiane… janë të sponsorit teknik të Shqipërisë, “Macron” (edhe kjo italiane).
Më tej “Gazzetta” nxjerr në pah faktin se plot 9 lojtarë të Shqipërisë luajnë në Serinë A italiane, ndërsa tregon se plot tre bashkëpunëtorë të Sylvinhos janë italianë. Bëhet fjalë për përgatitësin atletik Luca Laurenti (nga Terni), për analistin e takimeve Alariko Rosi (nga Siena) dhe mjekun Gianluca Stesina (nga Torino).
Gazetarëve italianë u kishte bërë përshtypje italishtja e rrjedhshme e shefit të marrëdhënieve me mediat në FSHF, Fatjon Kodra. “Ky i fundit, ashtu si eprori i tij e flasin mjaft mirë gjuhën tonë”, thuhej në reportazh.
“Dashuroj vendin tuaj, aty ku më parë gjetëm strehë kur ishim në vështirësi. Ishim të varfër dhe kërkonim punë. Tani udhëtoj shpesh me destinacion Milanon, Bergamon, Romën, Empolin dhe disa qytete të tjera. Vij për të parë djemtë tanë, nuk jetoj dot pa futboll dhe… makarona. Edhe në shtëpi gatuaj sikur të isha në grumbullim edhe pse pjatat tona tradicionale janë fasulet, mishi dhe mbi të gjitha pula e pjekur”, tregon Armando Duka.
Numri një i Federatës Shqiptare të Futbollit pohon se ka një marrëdhënie mjaft të mirë me homologun e tij italian.
“Ruaj raporte të mira me Gravinën. Erdhi në Tiranë në shkurt pasi asistoi në ceremoninë kushtuar Paolo Rossit. Udhëtoi drejt vendin tonë së bashku me zonjën Rosi, Sachin, Tardelin dhe Cabrinin. Ai event preku shumë tifozë të Milanit, të cilët janë të shumtë në numër në Shqipëri edhe pse kohët e fundit Asllani po shton shumë interistët”, tregon Armando Duka.
Lajme të tjera
-
Itali/ Zbulohet 'streha e drogës', gjenden 76 kg kokainë, pakot dorëzoheshin me furgon! Mes 2 të arrestuarve 1 shqiptar
24 Nëntor, 08:59 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Reduktohet personeli Italian në qendrat e emigrantëve në Lezhë, fillojnë rikthimet në Itali
23 Nëntor, 09:58 -
Itali/ Grupi i ‘skifterëve’ shqiptarë i ikën policisë me ‘Golf’ të vjedhur, njëri arrestohet dhe 2 arratisen! 32-vjeçari i dënuar me rreth 4 vite burg për grabitje
22 Nëntor, 21:34 -
Itali/ Plagosi me kaçavidë dhe i grabiti 14 mijë euro pensionistit në banesë, arrestohet 34-vjeçari shqiptar! Në kërkim prek Korrikut 2023, e tradhtoi xhaketa
22 Nëntor, 20:59 -
Babai i Uzunit fjalë të ashpra kundër Sylvinhos: S'ia vlerësuan djersën e sakrificën, as këpucët nuk ia morën në transfertë! Ata i fshinë emrin nga Euro 24
22 Nëntor, 14:26 -
U stërvit nga Sylvinho, talenti Keslin Shani për Report Tv: Kënaqësi e papërshkrueshme të jesh me Kombëtaren, s’i prisja këto rezultate
22 Nëntor, 13:01
-
Itali/Kishte fshehur brenda dyshekut mbi 2 kg kokainë, arrestohet 22-vjeçari shqiptar! U denoncua nga banorët, shtëpinë e kishte kthyer në bazë droge
21 Nëntor, 21:49 -
U arrestua për rrahjen dhe grabitjen e një italiani, Gjykata e Katanias liron 28-vjeçarin shqiptar! I skeduar më parë për drogë
21 Nëntor, 21:03 -
Itali/ Përgjimet SKY ECC çmontojnë klanet mafioze Sacra Corona dhe Ndragheta, bashkëpunonin me shqiptarët! 33 arrestime të reja, 97 persona nën hetim (EMRAT)
21 Nëntor, 20:06 -
Itali/ Njëri i dënuar dhe tjetri i skeduar për 8 krime, dy shqiptarët 31-vjeçarë kapen duke shitur drogë! Burgosje dhe dëbim nga vendi
21 Nëntor, 17:35 -
Trafik kokaine dhe heroine në Bellizona, në pranga 35-vjeçari shqiptar dhe zvicerani! Nën hetim edhe 3 shqiptarë të tjerë
20 Nëntor, 20:42
