POP 5

Lajmet më të lexuara të 5 minutave të fundit

Bota

Republikanët të përçarë për emrin që do kryesojë Kongresin! Politologët: Ndarja e republikanëve, dëshmi tensioni në SHBA

Republikanët kanë dështuar që ta zgjedhin me herë të parë kreun e Kongresit, ndërsa fituan së fundmi shumicën në Dhomën e Ulët. Grupi i konservatorëve të ashpër e konsideroi kandidaturën si tepër të butë. Për analistët, kjo ndarje brenda të djathtëve amerikanë tregon shumë për tensionet e forta në politikën amerikane.

Republikanët amerikanë dështuan këtë javë që të zgjedhin kreun e ri të Kongresit, duke humbur me tre vota. Është hera e parë në një shekull që kreu i Kongresit nuk zgjidhet që në votimin e parë në sallë.

Kevin Mccarthy nuk arriti të zgjidhej nga kolegët e tij ndërsa republikanët kanë marrë shumicën në Kongres pas zgjedhjeve afatmesme në SHBA. Mccarthy përballet me kundërshtime nga rreth 20 deputetë të konsideruar të ekstremit të djathtë, të cilët e akuzojnë se nuk është konservator aq sa duhet.

Politologët amerikanë shkruajnë se kjo ndarje brenda kampit republikan tregon edhe polaritetin e madh në politikën amerikane, ndërkohë që zgjedhjet janë shtyrë.

Kryetari i Kongresit është një nga pozicionet më të fuqishme në Uashington dhe i dyti në radhë pas presidencës. Kush mban këtë post, kontrollon agjendën e votimit në Kongres, ka dorë mbi Komisionet dhe mbikëqyr punën e përditshme të Kongresit.

Sipas analistëve amerikanë, një proces i zgjatur për të zgjedhur kryetarin e Dhomës së Përfaqësuesve mund të pengojë shanset e republikanëve për të ngritur shpejt komitete hetimore për të hetuar familjen dhe administratën e Presidentit Biden, diçka që republikanët u premtuan votuesve se do ta bënin.

Sipas kryetari i grupit parlamentar Scott Perry, Mccarthy e ka humbur mundësinë e tij për t'u bërë kryetar, ndërsa shihet si pretendent i mundshëm kongresmeni Jim Jordan, i preferuari i vijës së ashpër konservatore. 

*Përgatiti për Shqiptarja.com, Sebastian Zonja

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46