Restaurohet pas 40 vjetësh
shtëpia e Moisiut në Durrës
“Shtëpia-muze e aktorit shqiptar me famë botërore Aleksandër Moisiu monument i kategorisë së parë, po u nënshtrohet disa punimeve mirëmbajtëse”, na bënë të ditur drejtoria rajonale e kulturës kombëtare, Durrës.
TIRANE- “Shtëpia-muze e aktorit shqiptar me famë botërore Aleksandër Moisiu monument i kategorisë së parë, po u nënshtrohet disa punimeve mirëmbajtëse”, na bënë të ditur drejtoria rajonale e kulturës kombëtare, Durrës. Mësojmë se me kalimin te kohës ndërtesa ka pësuar amortizime, ndërkohë që disa nga objektet e saj të karakterit etnografik rrezikoheshin seriozisht nga mungesa e investimeve për një kohë të gjatë. Në këtë godinë nuk është bërë asnjë restaurim rrënjësor përveç mirëmbajtjes prej 40 vjetësh, që nga koha kur u ndërtua si muze.
Në vitin 1973 ajo u shpall monument kulture i kategorisë së parë. E ndodhur në lagjen e vjetër të qytetit të Durrësit shtëpia muze ku kalaur fëmijërinë aktori me famë botërore ka pasur funksion të dyfishtë.. Banesa që mbështetet në muret mesjetare të periudhës bizantine, është një nga godinat përfaqësuese të arkitekturës së viteve ‘900. Godina karakteristike durrsake ka dy kulla në miniaturë, të cilat lidhen nga ana arkitekturore me një çardak. Struktura e jashtme është ndërtuar me gurë mesatarë katrorë.
Shtëpia i takonte familjes së pasur Shallvari dhe në atë periudhë ishte seli e konsullatës angleze. Banesa për disa vite u bë streha fëmijërore e aktorit të famshëm Aleksandër Moisiu. Pusi karakteristik që ndodhet në oborrin e banesës lidhet me një stere (depozitë) të madhe nëntokësore për grumbullimin e ujërave të shiut, çka përbën një vlerë kulturore tjetër të kësaj godine. Në dy dhoma të muzeut “Aleksandër Moisiu”, që u hap në vitin 1972, shpalosen në stenda biografia familjare dhe artistike të aktorit, mbështetur në dokumente autentike, kurse në dhomën e dytë paraqiten vepra arti të krijuesve vendas për figurën e artistit të madh.
Ky monument është një nga monumentet më të vizituara në qytetin e Durrësit, pasi në të ndodhen muzeu etnografik i kulturës popullore si dhe muzeu “Aleksandër Moisiu”,por edhe zyrat e drejtorisë rajonale të kulturës kombëtare Durrës-Tiranë-Elbasan. Jashtë dhe brenda shtëpisë kanë nisur punimet. Janë ngritur skelat ku po punohet pandërprerë për restaurimin e mureve dhe te çatisë së godinës muze. Të gjitha punimet po kryen nga një firmë restauruese e licencuar nga Këshilli Kombëtar i Restaurimeve. Në mjediset e saj, gjatë viteve të fundit janë hapur një sërë ekspozitash me punime të artizanatit apo me vepra të krijuesve piktorë dhe skulptorë. Në këtë banesë ka kaluar një pjesë të jetës “Aleksandër Moisiu”......
Shkrimi u botua në Shqiptarja.com (print) në 13 Shtator 2014
Redaksia Online
(d.a/shqiptarja.com)
Sondazhi i ditës:
Si do e drejtojë Kuvendin Elisa Spiropali krahasuar me Lindita Nikollën?
-
Më mirë
31.2%
-
Njësoj
16.9%
-
Më keq
51.8%
Vota total: 6361
Votat totale janë unike
Lajme të tjera
-
Turqia arreston 99 anëtarë të dyshuar të IS-it
2 Gusht, 17:45
-
Zhurmat e stomakut, nga se shkaktohen dhe si t’i shmangni
2 Gusht, 17:25
-
Elbasan/ Po punonte në një godinë, bie nga lartësia 54-vjeçari
2 Gusht, 17:16
-
Mbyllen hetimet për Inceneratorin e Tiranës, SPAK çon për gjykim 12 prej të akuzuarve mes tyre dhe Lefter Koka
2 Gusht, 16:57
-
Aksidentoi 12- vjeçarin në Orikum, arrestohet drejtuesi i mjetit
2 Gusht, 16:55
-
Çim Peka i dhuron disa qime më shumë Belos me reklamë klering te Syri?
2 Gusht, 16:33
-
Publikohen pamjet, momenti kur Leonard Duka zbret në Aeroportin e Rinasit në masa të rrepta sigurie drejt IEVP-së
2 Gusht, 16:26
-
Media amerikane “CN Traveler”: Plazhet më të mira në Shqipëri
2 Gusht, 16:01
-
Porto Romano/ 309 prona private preken nga ndërtimi i Portit të ri! Kompensimi do bëhet me lekë në dorë ose shkëmbim me tokë shtetërore
2 Gusht, 15:59
-
Paris 2024/ ‘Pensionistët’ jashtë, eliminohen dy sportistët më të vjetër në moshë nga Olimpiada
2 Gusht, 15:46
-
Vendimi/ Rriten koeficientët për llogaritjen e pensioneve! Kush del në pension pas 1 korrikut 2024 merr më shumë para
2 Gusht, 15:41
-
Paris 2024/ Katie Ledecky, e artë dhe rekord olimpik
2 Gusht, 15:41