POP 5

Lajmet më të lexuara të 5 minutave të fundit

Tirana

Reuters, reportazh për lagunën e Karavastasë

Vëzhguesit e zogjve nga e gjithë bota vijnë në parkun Divjakë-Karavasta për lagunën e tij dhe larmishmërinë e jetës së egër, shkuan agjencia zyrtare britanike “Reuters”.
Reuters, reportazh për lagunën e Karavastasë

Pelikanët e Lagunës së Karavstasë

Vëzhguesit e zogjve nga e gjithë bota vijnë në parkun Divjakë-Karavasta për lagunën e tij dhe larmishmërinë e jetës së egër, shkuan agjencia zyrtare britanike “Reuters”.

Por një banor në veçanti po tërheq shumë spektatorë, Xhon Malko, një prej pelikanëve të parkut.

Rojet e parkut e kuruan atë pasi e gjetën me një krah të plagosur dy vite më parë, por ai nuk arriti dot të rifitojë aftësinë për të fluturuar, duke e bërë të paaftë që të gjuajë. Ata e quajtën Xhoni dhe i dhanë mbiemrin Malko, që është i rojesë që kujdeset më shumë.

Një Pelikani Kaçurrel, një prej zogjve më të rëndë që fluturojnë, krahët e të cilit mund të arrijnë deri në 3,5 metra, Xhoni mendohet se e kishte çerdhen në ujin e kripur të lagunës së Karavastasë para se të dëmtonte krahun.

“Ne filluam të kujdesemi për atë… sikur të ishte kafsha jonë, por shumë shpejt ai u kthye në një simbol të parkut dhe një atraksion për vizitorët dhe turistët. Peshkatarët i sjellin atij peshk të freskët çdo ditë”, tha drejtori i parkut, Ardian Koçi.

Xhoni tani jeton pranë zyrës kryesore të parkut, larg nga Pelikanët Kaçurrel të tjerë, të famshëm për puplat kaçurrelë në krye të kokës. Ai ka pellgun e tij të vogël, ku lahet dhe vjen rrotull.

Gjatë natës ai fle pranë kolibes së qenit të parkut. Rojet besojnë se ai e bën këtë për të qenë i sigurt nga kafshët grabitqare.

“Me të vërtetë më pëlqen kur i shikoj nga kaq afër sepse nuk e kam këtë mundësi me pelikanët e tjerë në lagunë, ata rrinë shumë larg”, tha 10-vjeçarja Eliza Shkoza që po vizitonte parkun.

Rreth 120 Pelikanë Kaçurrelë jetojnë në lagunon e Karavastasë në Divjakë, sipas Shoqatës Ornitologjike Shqiptare. ky lloji është në listën e kafshëve gati në zhdukje nga Unioni Ndërkombëtar për Konservimin e Natyrës. 

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze