Revolucion në ushtrinë zvicerane! Vajzat nuk do veshin rroba meshkujsh, por do jenë më femërore

ZVICËR- Duke filluar nga muaji i ardhshëm gratë në ushtrinë e Zvicrës,  do të kenë një uniformë femërore e krijuar për ato, e ndryshme nga ajo e burrave. Vendimi është marrë me qëllim që të rritet numri i grave dhe vajzave në ushtri, ku aktualisht është në masën e 1%. Qeveria synon që kjo shifër të shkojë në 10% deri në vitin 2030.

Marianne Binder, anëtare e Këshillit Kombëtar Zviceran, tha një gjë e tillë do të sillte një frymë të re në ushtri.

"Veshja është krijuar për burra, por nëse ushtria do të bëhet vërtet më femërore, nevojiten masa të përshtatshme", tha ajo.

LEXO EDHE:
"Zviceranët që jetojnë jashtë votojnë!" Ambasadorja nga Lini: Politika të marrë vendim unanim për diasporën

Deri më tani gratë kanë mbajtur pantallona të gjata, të gjera, shpesh më të mëdha të cilat janë të pakëndshme. Për këtë arsye, është menduar që gratë do të kenë uniformë funksionale, në verë rroba të shkurtra dhe të gjata në dimër.

B.K./Shqiptarja.com

TAG:
• ushtria
• zvicer