POP 5

Lajmet më të lexuara të 5 minutave të fundit

Sociale

Riciklimi i mbetjeve, mungon
teknologjia për gomat e përdorura

Shqipëria gjatë një viti numëron deri në 1.4 milionë goma të përdorura. Përbërja e gomave ka disa elementë të cilët janë shumë të rrezikshëm, siç është karboni, që në disa raste mund të zërë edhe 30% të gjithë gomës, dhe është shkaktar i një ndotje të lartë mjedisore.
TIRANE- Shqipëria gjatë një viti numëron deri në 1.4 milionë goma të përdorura. Asgjësimi i tyre kur hidhen në landfill mund të zgjasë nga 1 mijë deri në 2 mijë vjet. Përbërja e gomave ka disa elementë të cilët janë shumë të rrezikshëm, siç është karboni, që në disa raste mund të zërë edhe 30% të gjithë gomës, dhe është shkaktar i një ndotje të lartë mjedisore. Pas mbylljes së furrave të gëlqeres që kryenin djegien e tyre në mënyrë të paligjshme, specialistët e huaj propozojnë riciklimin si mënyrën më të mirë për trajtimin e gomave të përdorura.

“Që prej vitit 2006 vendet e Bashkimit Evropian e kanë detyrim ligjor të bëjnë riciklimin e gomave të përdorura. Hedhja apo djegia e tyre nuk ka ndodhur ndonjëherë por edhe depozitimi i tyre përbën rrezik. Në vendet e BE-së një person në momentin e blerjes së një gome paguan një taksë e cila përdoret më pas për riciklimin e tyre. Ndërkohë në vende të tjera kompanitë që merren me tregtimin e gomave, duhet të depozitojnë në fund të vitit sasinë që kanë shitur në fillim të tij” pohon Giovani Corbeta, specialist italian i riciklimit të gomave .

Sipas tij, gomat e ricikluara mund të përdoren në 13 mënyra si në asfalt, energji elektrike, prodhimi i shollës së këpucëve etj. Përballë kësaj situate autoritetet e Ministrisë së Mjedisit premtojnë se janë duke bashkëpunuar me bizneset vendase që do të ofrojnë shërbimin e riciklimit të gomave pas përdorimit të tyre. “Ka patur edhe një interes nga biznesi shqiptarë, të cilët kanë mbështetje të plotë nga Ministria e Mjedisit" u shpreh Redi Baduni, drejtor i mjedisit. Aktualisht në vend ekzistojnë rreth 86 subjekte që merren me mbledhjen apo riciklimin e mbetjeve urbane dhe industriale.

Shkrimi u publikua sot (11.04.2014) në gazetën Shqiptarja.com (print)

Redaksia Online
(d.a/shqiptarja.com)

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50