POP 5

Lajmet më të lexuara të 5 minutave të fundit

Bota

Rikthehet fruthi! Shqipëria, Republika Çeke, Greqia dhe Britania humbasin statusin e vendit të painfektuar (VIDEO)

Ndër shkaqet e rasteve në rritje me infeksionin viral të fruthit, janë sistemet e dobëta shëndetësore, mungesa e vaksinave, veçanërisht në vendet e varfra, por edhe skepticizëmi ndaj vaksinimeve që është regjistruar në veçanti në vendet e pasura.

Bota po i rikthehet luftës kundër fruthit. Një raport i Organizata Botërore të Shëndetësisë, i prezantuar nga Kate O'Brien, drejtore e Departamentit të Vaksinimit, thotë se në 7 muajt e parë të vitit 2019, rastet e pacientëve të infektruar janë trefishuar në krahasim me të njëjtën periudhë të vitit 2018.

"Ajo që ne po përpiqemi t'i komunikojmë botës", tha O'Brien "është se ne jemi në rrugën e gabuar".

Në muajt e fundit, 4 vende evropiane kanë humbur statusin e tyre si vende të pa prekura nga fruthi: Shqipëria, Republika Çeke, Greqia dhe Britania e Madhe.

Sipas të njëjtit raport, vendet më të prekura nga infeskioni i fruthit janë Republika Demokratike e Kongos, Madagaskari dhe Ukraina. Edhe Shtetet e Bashkuara nuk janë immune, ku janë regjistruar  më shumë se një mijë raste, shifra më e lartë që nga viti 2006.

"Ka vende me mbulim të ulët të vaksinimit që kontribuojnë në përhapjen e fruthit", shpjegoi Dr. O'Brien "por ka edhe vende që edhe pse kanë mbulim shumë të lartë të vaksinimit, kanë njerëz të infektuar, por kanë arritur të parandalojnë epidemitë”.

Ndër shkaqet e rasteve në rritje me infeksionin viral të fruthit, janë sistemet e dobëta shëndetësore, mungesa e vaksinave, veçanërisht në vendet e varfra, por edhe skepticizëmi ndaj vaksinimeve që është regjistruar në veçanti në vendet e pasura.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55