POP 5

Lajmet më të lexuara të 5 minutave të fundit

Arkiva

“Rilindja e qyteteve”, Rama: Qeveria do të mbështesë të gjithë projektet për zhvillimin qytetit të Lezhës

Kryeministri Rama merr pjesë në prezantimin e programit “Rilindja e Qyteteve” në Lezhë TIRANË, 30 Shtator /ATSH-Gjergji Mima/ – Kryeministri Edi Rama mori pjesë sot në prezantimin e programit “Rilindja e Qyteteve” në qytetin e Lezhës. Në fjalën e tij, Kryeministri Rama garantoi qytetarët se qeveria do të mbajë zotimin për transformimin e këtij qyteti, […]
Kryeministri Edi Rama mori pjesë sot në prezantimin e programit "Rilindja e Qyteteve" në qytetin e Lezhës.

Në fjalën e tij, Kryeministri Rama garantoi qytetarët se qeveria do të mbajë zotimin për transformimin e këtij qyteti, duke shtuar se do të bëhet për Lezhën aq sa nuk është bërë në këto 20 vjet.

"Dua t'ju kujtoj se ja për çfarë vlen vota dhe ja se sa e rëndësishme është të votosh dhe të dish si voton. Sepse duke bërë zgjedhjen e duhur, siç ju e bëtë në 23 qershor, arrin pastaj të bësh edhe punët e tua. Nuk po ju them që pas realizimit të këtyre projekteve Lezha do të jetë e dyta pas Berlinit, këtë nuk jua them dot. Por po ju them vetëm diçka, që pas realizimit të këtyre projekteve, të gjithë ata që presin që të ndodhin ndryshime edhe përtej kufirit të këtyre projekteve, do të jenë shumë më shpresëplotë dhe do ta kenë shumë më pranë ndryshimin", tha Kryeministri Rama.

Kryeministri theksoi gjithashtu se, qeveria do të mbështesë të gjithë projektet për zhvillimin qytetit të Lezhës. "Ne po vinim rrugës dhe Kryetari i Bashkisë filloi me projektet e tjera. Rëndësi ka që i ka projektet dhe të jeni të bindur që ne do t'i mbështesim të gjitha projektet e tij, sepse duam që t'i japim Lezhës mundësi që të ringrihet ekonomikisht dhe si do të ringrihet ekonomikisht, duke krijuar më shumë punësim, nëpërmjet turizmit në radhë të parë dhe shërbimeve këtu në qytet. Është e kotë në fakt se këtë punë e bën Monika sa për një popull të tërë, por edhe ju ndihmojeni Monikën që kryetari t'i realizojë projektet në kohë", deklaroi Kryeministri Rama.

Të pranishëm në këtë aktivitet ishin, Ministri i Mjedisit, Lefter Koka, deputetja e LSI-së për Qarkun e Lezhës, Monika Kryemadhi si dhe Kryetari i Bashkisë së Lezhës, Viktor Tushaj. 

ATSH
 
 
 

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57