Rimëkëmbja pas tërmetit/ Detyrat që Lleshaj u dha kryebashkiakëve: E pafalshme nëse nuk nxjerrim mësim

Ministri i Brendshëm, Sandër Lleshaj u ka ndarë detyrat kryebashkiakëve dhe prefektëve, ku në fokus ka qenë pa dyshim rimëkëmbja pas tërmetit të 26 nëntorit. Lleshaj bëri me dije se çdo Bashki duhet të hartojë listat me dokumentin e riskut nga fatkeqësitë, që të mos përjetohet më ajo që vendi kaloi pas asaj lëkundje tragjike. Tre janë detyrat kryesore për kryebashkiakët. Së pari, të krijojnë bazën për humbjet nga fatkeqësitë; planifikimi i buxhetit për emergjencat civile dhe vlerësimi i riskut në nivel qarku si edhe bazën e të dhënave.

"Lidhur me menaxhimin e emergjencave, jemi dëshmitarë që vendi është prekur shpesh. Vjet patëm fatin e keq të dy goditjeve, rindërtimi i vendit është shpallur prioriteti numër një. Qëllimi i emergjencave sot ka të bëjë me nxjerrjen e mësime. Do të ishte e pafalshme nëse nuk do nxirrnim mësime nga ngjarjet që na kanë ndodhur.

Ligji që është miratuar në 2019, vë detyra të rëndësishme për të gjitha bashkitë e vendit, të hartojnë listat me dokumentin e riskut nga fatkeqësitë. Është me rëndësi që të marr vëmendjen e dorës së parë. Nevoja për t’u konsoliduar në këtë fushë është e dorës së parë. Brenda dy viteve, Bashkitë duhet të krijojnë bazën për humbjet nga fatkeqësitë, që mos jemi në situata të krijimit nga e para të të dhënave kur kemi hall. Planifikimi i buxhetit për emergjencat civile, ligji i detyron që të caktojnë 4% të buxhetit për emergjencat.  Po ashtu detyra ka edhe për prefektin e qarkut, ashtu si për bashkinë, të bëjmë vlerësimin e riskut në nivel qarku si edhe bazën e të dhënave", tha Lleshaj.

Lajmi kryesor:

Lleshaj u 'tërheq veshin' kryebashkiakëve: 'Vetting' emrave të rrugëve! Ashpërsim të rekrutimit për zjarrfikëset, të bëhen më të fortë se RENEA

B.K./Shqiptarja.com

TAG:
• Sander Lleshaj
• termet me viktima ne Shqiperi