TIRANË- Ministri i Rindërtimit Arben Ahmetaj i pranishëm në komisionin e Ekonomisë për të prezantuar Buxhetin 2021 për rindërtimin ka folur me shifra për ecurinë e punimeve të këtij procesi aktualisht. Ministri tha se brenda këtij viti do të përfundojnë rreth 900 banesa individuale.
“FSHZH do të ndërtojë 2500 banesa individuale, vetëm Kamzë me 260 shtëpi nuk ka pasur prokurim me sukses, për shkak të çmimit të ngushtë dhe ka sjellë probleme për kompanitë. Kamza është anuluar 2 herë presim tenderin tjetër. 500 banesa do i kemi gati brenda 31 dhjetorit në Shijak, Durrës Manzë. Në Tiranë pritet të përfundojnë 300- 400 banesa në fund dhjetorit”, u shpreh Ahmetaj.
Ndërkohë Ahmetaj ka njoftuar se gjatë procesit janë hasur disa vështirësi dhe për këtë arsye janë 260 shtëpi individuale që nuk mund të ndërtohen për shkak të terrenit malor.
“Vitin tjetër marrim 28 miliardë lekë, dhe është vazhdimi i të gjithë programeve të nisura këtë vit. Një ndryshim mund ta bëjmë me vendim ka vështirësi në vendet malore për banesat individuale për të ndërtuar modelin, dhe për ato shtëpi që nuk ndërtohen dot nga kompanitë nëpërmjet bashkive atyre familjeve tu japim shumën totale në dorë dhe të ndërtojnë vetë ata ose të blejnë shtëpi diku tjetër, dhe janë rreth 260 shtëpi që për shkak të gjeologjisë janë të pamundura për tu ndërtuara si modele”, tha ministri.
Nga ana tjetër Ahmetaj tha se janë mbi 1300 familje që vijojnë të jetojnë nëpër çadra, ndërsa ka prezantuar në zëra buxhetor që kanë marrë programet e rindërtimit.
“1324 familje në çadra për shkak se nuk kanë dashur të largohen nga toka dhe nga bagëtia. Nuk po them që rindërtimi është perfekt por është punuar. Nuk po them që kemi proces perfekt, dhe për çdo ankesë të qytetarëve është rikthyer procesi. Grantet e rikonstruksioni, banesat individuale, objektet arsimore dhe infrastruktura publike. Buxheti i këtij viti kemi 34 miliardë lekë, 31 janë të buxhetit si dhe 3 miliardë lekë janë nga donacionet që vijnë nga sipërmarrës, dhe shtete të huaja si Serbia që i kanë derdhur direkt në buxhet. Sot janë alokuar në projektet 32 miliardë lekë nga 34 miliardë lekë. Për objekte arsimore 7.49 mld lekë, për banesa 10 mld lekë, për grantet e rikonstruksionit 9.8 mld, dhe për infrastrukturë 2.48 mld lekë”, pohoi Ahmetaj.
Ministri foli edhe për donatorët teksa theksoi edhe një herë se çdo projekt i financuar nga të huajt ndiqet nga vetë ata.
“Deri më tani nga grantet janë miratuar 277 milionë euro, kemi 18 marrëveshje me vlerë 260 milionë euro asnjë nga këto marrëveshje nuk ndiqet nga qeveria jonë, por nga vetë donatorët dhe kemi 3 marrëveshje në negocim. Kemi tre kredi në proces, 60 mln për ujësjellësit, Italia 30 milionë euro për Durrësin, 30 milionë për portet dhe 30 milionë euro për OSHEE”, deklaroi ai.
Ministri i Rindërtimit, Arben Ahmetaj deklaroi se nuk është i kënaqur me shpejtësinë e punimeve nga donatorët.
“Unë jam shumë i kënaqur me fondeve të vendosura në dispozicion nga donatorët pot nuk jam i kënaqur me shpejtësinë e punimeve nga ata. Ne po i përfundojmë shkollat me fondet e buxhetit të shtetit, ndërsa ata ende nuk i kanë filluar. Po bëhem grindavec me donatorët për të përfituar fondet dhe ka qenë një presin i vazhdueshëm ndaj tyre. Unë kam edhe donacionin nga Kroacia që e mbyll sot dhe me Greqinë po presim përgjigje. Kemi vetëm këta dy donator pa i angazhuar në programe specifike”, u shpreh ministri.
Komente
Lajme të tjera
-
Kreshnik Spahiu: Pastroni politikën duke sekuestruar 10 telefonat e oligarkëve dhe jo 10 grave apo vjehrrave…
9 Dhjetor, 16:22
-
‘Unë mund të vdes! Djalin e kam me epilepsi’, thirrja e të moshuarit në Lezhë që ka mbetur në kasolle 5 vite pas tërmetit
26 Nëntor, 17:00
-
5 vite nga tërmeti vendi ende në rindërtim! Janë dorëzuar 11,663 banesa e apartamente, kostoja në buxhet arrin 920 mln euro
26 Nëntor, 16:39
-
Pesë vite nga tërmeti, 1123 familje ende pa shtëpi në Durrës! Procesi i rindërtimit i vonuar dhe në Lezhë, Kurbin e Krujë
26 Nëntor, 16:36 -
‘Dy vite mësim me turne, fëmijët vijnë në shtëpi natën!’ Protesta në Golem të Lushnjes nxjerr në pah propagandën për ‘rilindjen e shkollës’
19 Nëntor, 08:38
-
I pandehur për shkelje të barazisë në tenderë, deputeti i PS, Plarent Ndreca 4 orë në SPAK: Flas në momentin e duhur
15 Nëntor, 13:06 -
Delvinë/ Banorët kontribuojnë për kthimin në identiteti të kishës bizantine
9 Nëntor, 17:15
-
'Shkundja' e tërmetit ende pasoja në buxhet! Në 5 vite rindërtim, kostoja 920 mln €
7 Nëntor, 16:01
-
Dosja 'Buka', Avokatët e Ahmetajt kërkojnë pushimin e çështjes, SPAK kalimin për gjykim! GJKKO vendos më 18 nëntor
4 Nëntor, 11:45
-
Durrës/ 78 kasolle derrash i vlerësuan si banesa! Zbardhen emrat e 5 zyrtarëve të Rrogozhinës! 353 mln lekë dëm shtetit
1 Tetor, 10:10
-
Afera e Inceneratorëve/ SPAK shtyn me 3 muaj afatin hetimor për ish-zv/kryeministrin Arben Ahmetaj, i mbyll më 22 Dhjetor
23 Shtator, 11:19 -
Kombinat, Veliaj në pallatet e rindërtuara pas tërmetit: Jemi afër fundit, për ato që kanë mbaruar më përpara, do të hedhim shortin
5 Shtator, 17:19
Ore legen, po kur shteti nuk i nderton dot shtepiat duke pas mjete dhe mundesi si mund ti ndertojne fshataret ? Apo keni bere ndonje skeme si e Hermesit per te vjedh impulset?
PërgjigjuKy eshte fytyra me bastarde ne ps bashke me gjiknurin ps duhet te pastrohet nga keta hajdute te medhenj dhe fiton bindshem me 25 prill
PërgjigjuMire ben qe behesh grindavec me donatoret,po ata qe moren tenderin per ndertimin e shtepive individuale ne Baldushk, pse nuk i kalojne leket per punimet e perfunduara n/kontraktoreve,apo i duan per vete te marrin tendera te tjera, e punetoret u kerkojne leket n/kontraktoreve. D.m.th.te marrin borxh n/kontraktoret te paguajne punetoret dhe fituesit e tenderit te mbushin llogarite e tyre. Bashkia e Tiranes te jap leket e punes se kryer ne Baldushk.
PërgjigjuFtyre nuk ke se dukesh qe nuk skuqesh. Po si ta nxe goja ket justifikim bastard. Po vilat tuja neper male si i nderrtuat?? Keni shtru rruge apostafat me asfalt para se me ndertu komplekset e orgjive. Kurse hallexhiut i thu nuk kemi mundesi ne si shtet po ai si individ ku ti gjej mundesit ku ti si shtet ja mohon??? Ore ja keni kalu dhe fashizmit a keni gjak ne trup.
Përgjigju