Rinisja e urbanëve, qytetarët: Duhen respektuar rregullat se na grinë taksitë nga lekët (VIDEO)

Qytetarët janë shprehur të kënaqur me rinisjen e transportit publik, të urbanëve në Tiranë. Një qytetare u shpreh për mikrofonin e Report Tv se rregullat duhet të respektohen nga të gjithë.

"Rregullat duhen respektuar për veten tonë dhe pastaj për të tjerët, pasi edhe mund ta kemi marrë aty ku punojmë, ishalla jo. Por duhen respektuar të vazhdojmë, se edhe kështu pa punë, na grinë taksitë edhe ato dy lekë që morëm. Rregullat i di, maskë, doreza. Në mëngjes udhëtova me maska dhe doreza. Ishin shumë pak veta në mëngjes" tha ajo.

Një çift të moshuarish treguan se prej 4 muajsh nuk e heqin maskën. "Sot jemi për herë të parë në urban. Jemi shumë qetësi. Masat i dimë, të zbatojmë urdhrat e shëndetësisë, për popullin thonë ata. Mosha e tretë duhet ta respektojë sidomos, por tek në nuk respektohet, në darkë në "Astir" në 10-15 veta, një gjen me maskë. Ne jemi 4 muaj që nuk dalim pa maskë".  

Lajmi kryesor:

Vëzhgimi/ Autobusët rinisin pas 4 muajsh, pak pasagjerë, jo të gjithë me maska! Qytetarja: Na grinë taksitë! Policia: 10 ditë sensibilizim, pastaj 5 mijë lekë gjobë

/b.ha./Shqiptarja.com

TAG:
• Transporti publik
• koronavirusi
• koronavirusi ne shqiperi