Kombinati Mekanik i Poliçanit, po ashtu edhe uzinat në Mjekës të Elbasanit dhe ajo e Gramshit do të rivitalizohen.
Ministria e Mbrojtjes ka në fokus rivitalizimin e industrisë ushtarake dhe projektligji është hedhur për konsultim publik. Kjo është bërë me dije nga zëvendësministri i Mbrojtjes, Enkelejd Joti, në Komisionin për Sigurinë Kombëtare në Kuvend.
“Ministria e mbrojtjes ka marr një nismë ligjore për rivitalizimin e uzinave ushtarake, siç është edhe kombinati mekanik i Poliçanit, Mjekësi dhe Gramshi. Nisma ka si qëllimin krijimin e një shoqërie shtetërore për prodhimin e demilitarizimin dhe për tregtimin e armëve, pajisjeve, municioneve dhe teknologjive ushtarake. Kjo nismë ligjore tashmë është hedhur për konsultim publik”, tha ai.
Zëvëndës ministri i Mbrojtjes, Enkelejd Joti tha se për rivitalizimin e industrisë së armatimit Shqipëria do të ftojë jo vetëm kompani të njohura në këtë fushë, por edhe vende anëtare të NATO-së.
“Është hedhur edhe tek faqja e Ministrisë së Mbrojtjes ligji për zhvillimin e industrisë ushtarake, ku vetë shteti do jetë pjesë e sipërmarrjes bashkë me partnerë të tjerë, privatë, shtetërorë, anëtarë të NATO-s për të zhvilluar këtë industri. Edhe këto uzina, siç mund të jetë Poliçani apo Gramshi, që janë potencial që mund të zhvillojnë industrinë ushtarake”, tha Joti.
Komisioni miratoi sot ndryshimet ligjore që i hapin rrugën dhënies së pagave të prapambetura për punonjësit dhe ish-punonjësit e Kombinatit Mekanik Poliçan.
Zëvendësministri i Mbrojtjes, Enkelejd Joti, tha se 131 punonjës të Kombinatit mekanik të Poliçanit, tashmë do të marrin pagat që nuk kanë marr prej vitesh, ndërsa vlera e kompensimit është 83.8 mln lekë.
“Kombinati i Poliçanit është në një situatë të vështirë financiare, rezulton me humbje pasi nuk ka mundur që të sigurojë vijimësinë e aktivitetit të tij dhe ka sjell thellimin e humbjeve nga viti në vit. Mungesa e aftësisë paguese dhe shpenzimet e personelit janë prej shumë vitesh dhe kjo ndërmarrje gjerenon detyrime ndaj punonjësve dhe organeve tatimore. Nga ministria e Mbrojtjes është propozuar projektligji për pagesën e punonjësve dhe të ish-punonjësve si e vetmja zgjidhje ligjore për periudhën shkurt 2017- dhjetor 2020 me një efekt financiar prej 83.8 milionë lekë. Projektligji saktëson kushtet dhe procedurën që do të ndiqet për përmirësimin e statusit ekonomik dhe social të tyre duke përballuar efektet financiare për 4 punonjësit aktual administrativ deri në 2021- 2022 dhe për 127 punonjës të palikuiduar”, tha ai.
Diskutimi i këtij projektligji në këtë moment për deputetin e Partisë Demokratike, Ferdinant Xhaferaj, tregon degradimin e Ministrisë së Mbrojtjes, jo vetëm të ministrisë aktuale, por edhe të atyre të mëparshme.
Sipas tij, këto janë vendime që duhet të ishin marr vite më parë.
“Në parim fakti që po merremi me këtë projektligj është dëshmi konkrete se çfarë lloj degradimi ka administrata e Ministrisë së Mbrojtjes, jo vetëm e tanishmja, por edhe të shkuarat. Kush na garanton që pas 3 vitesh nuk do mblidhemi sërish për një ligj tjetër të tillë. Kujtohemi në 2024, që të rregullojmë vendime të pamarra në vitin 2010, 2015”, u shpreh Xheferaj.
Lajme të tjera
-
I dënuar me 10 vjet burgim për tentativë vrasjeje, 58-vjeçari arrestohet në Gramsh (EMRI)
16 Nëntor, 14:04 -
Aksident në Gramsh, makina bie nga ura, shoferi në gjendje të rëndë sillet tek Trauma
7 Nëntor, 21:24 -
Pezullohet puna në uzinën ushtarake të Mjekësit! Punëtori i vetëm në protestë: Tre muaj pa rrogë, shokët kanë frikë të ngrenë zërin
6 Nëntor, 16:32
-
Edison Ypi: Ku ha ferra fshatin
4 Nëntor, 17:11
-
Digjet magazina me lëndë ushqimore për blegtorinë në Lezhë! Nuk ka të lënduar
21 Tetor, 12:56 -
Në kërkim se abuzoi me 9 tenderë rrugësh e urash, arrestohet pas një viti ish- kreu i IMT Gramsh! GJKKO e dënoi me 6 muaj burg
19 Tetor, 12:19 -
Regjistrohet në QKB kompania shtetërore e prodhimit armëve KAYO e Ministrisë së Mbrojtjes, Ardi Veliu zgjidhet drejtor
17 Tetor, 13:35 -
‘Çmendet’ moti, Elbasani goditet nga stuhia e breshërit! Shkakton dëme të mëdha në bujqësi (VIDEO)
3 Shtator, 22:22 -
Rama publikon pamjet nga gjimnazi i rindërtuar në Gramsh: Do të presë me kushte bashkëkohore 430 nxënës
3 Shtator, 08:31 -
Shantazh online të miturës, 23-vjeçari e detyron të pijë ilaçe! Shpallet në kërkim i riu në Gramsh
29 Gusht, 11:44 -
Aksident në Gramsh/ Makina del nga rruga, 4 persona transportohen në spital
24 Gusht, 22:19 -
Shqipëria rinis prodhimin e armëve! Hyn në fuqi ligji për rivitalizimin e industrisë ushtarake! Vengu inspekton uzinën e Mjekësit! Brenda 3 -4 muajve nisim licencimet
22 Gusht, 16:51
