POP 5

Lajmet më të lexuara të 5 minutave të fundit

Sport

Ronaldo vendos rekorde të reja: “Për finalen është ende herët”

Rekorde të reja ka vendosur Cristiano Ronaldo pas tre golave që i shënoi Atletico Madrid në Torino dhe që kualifikuan Juventusin në çerekfinale. Megjithatë portugezi kërkon që ndeshjet të merren hap pas hapi dhe se të mendosh për finalen e Championsit është herët.

Ronaldo vendos rekorde të reja: “Për finalen është ende herët”

Cristiano Ronaldo

Cristiano Ronaldo ka bërë për vete edhe “Allianz Stadium”. Që portugezi do ishte idhulli i ri i stadiumit të bardhezinjve kjo ishte e qartë që më 10 korrik ditën kur u zyrtarizua kalimi i Ronaldos tek Juvja por mbrëmë ndaj Atletico Madrid  Ronaldo shkruajti një tjetër faqe të historisë së tij legjendare. Ronaldo u shndërrua në lojtarin e Juventusit me më shumë gola në stadiumin e ri me 8 të tillë dhe do ketë mundësi të shënojë edhe të tjerë.

Statistikat e tjera thonë se ish-lojtari i Real Madrid është i 11-ti në historinë e Championsit që shënon triplet  me dy fanella të ndryshme. Por Ronaldo është makthi i Atleticos dhe mbi të gjitha i Diego Simeones. CR7 është lojtari që i ka shënuar më shumë gola Atleticos gjatë drejtimit të Simeones. Janë 21 golat që Ronaldo i ka shënuar Los Colchoneros nën drejtimin e argjentinasit 10 më shumë se Messi. Me 124 gola në Champions numri 7 i bardhezinjve ka shënuar më shumë se e gjithë Atletico Madrid në kompeticionin europian më të rëndësishëm për klube. 

Nuk kishte se si të ndodhte ndryshe Ronaldo ishte lojtari i ndeshjes dhe i lumtur ka deklaruar:” Duhet të ishte një mbrëmje speciale dhe kështu ndodhi ,jo vetëm për golat e shënuar por për arritjen e skuadrës. Ky është mentaliteti i duhur për Championsin dhe kjo është krenaria që kemi por për të menduar për finalen është ende shpejt. Duhet të ecim hap pas hapi” e mbyll portugezi. /Nga Andi Kapxhiu/

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Elbasan/ Dy të rinjtë u larguan nga Komisariati më 31 dhjetor, AMP pezullon nga puna 3 efektivët! Nuk parandaluan arratisjen e tyre

Elbasan/ Dy të rinjtë u larguan nga Komisariati më 31 dhjetor, AMP pezullon nga puna 3 efektivët! Nuk parandaluan arratisjen e tyre

15 Janar, 16:41