POP 5

Lajmet më të lexuara të 5 minutave të fundit

Sociale

Rosat e egra përfundojnë në tryezat e restoranteve, gjuetia e paligjshme dëmton lagunën e Kune-Vainit në Lezhë

Ne zonën e mbrojtur të Kune-Vainit në Lezhë numri i shpendëve ka ardhur në rënie për shkak të gjuetisë së paligjshme. Eksperti i Mjedisit në Lezhë, Jak Gjini thotë se kontrollet në terren si nga Administrata e Zonave të Mbrojtura ashtu dhe Policia e Shtetit janë domosdoshmëri për të ndaluar masakrën në lagunë.

Kjo foto me rosa të ngordhura e cila është bërë virale në rrjetet sociale është fokusuar në zonën e mbrojtur të Kune-Vainit në Lezhë, si dëshmi e gjuetisë së paligjshme që ndodh në këtë rezervat natyror.  

Gjuetia ka sjellë rënien e numrit të shpendëve në lagunë gjatë viteve të fundit. Sipas të dhënave zyrtare në censusin e janarit 2024 numërohen rreth 12 mijë individë nga 50 mijë që është kapaciteti i kësaj lagune.

“Natyrisht një ndër faktorët është terheqja pas tregut. Restorantet janë në brendësi të zonave të mbrojtura në Lezhë. Shpendët janë të rrezikuar nga gjahtarët e paligjshëm”, tha Jak Gjini ekspert mjedisi.

Shtimi i kontrolleve në terren si nga Administrata e Zonave të Mbrojtura ashtu dhe nga Policia e Shtetit shihet si domosdoshmëri për të ndaluar masakrën me shpendët ujorë.

“Duhet të shtohet kontrolli dhe duhet të jetë i mirëorganizuar. E gjithë zona duhet të jetë e mbrojtur, siç ka dhe statusin”, tha më tej Gjini.

 

Krahas sportit, gjuetia shfrytëzohet për biznes, pasi shpendët e egër, kryesisht rosat shiten në restorantet e Lezhës.

R.D/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • yllli: 26/09/2024 18:55

    vendodni kanera,,,kush kapet ,,ti hapet...

    Përgjigju
  • Sondazhi i ditës:

    Ervin Salianji dënohet me 1 vit burg për kallëzim të rremë, si e vlerësoni?

Lajme të tjera



×

Lajmi i fundit

Ngacmime dhe ironi në ‘Frontline’, Hoxha: Jeni ‘të kapur’ nga Kastrati! Dhuli: Protestën e bëjmë ne të pakapurit! Muça: Vërini 'flakën' Apelit! Nurja: Protestë dhe në Parlament

Ngacmime dhe ironi në ‘Frontline’, Hoxha: Jeni ‘të kapur’ nga Kastrati! Dhuli: Protestën e bëjmë ne të pakapurit! Muça: Vërini 'flakën' Apelit! Nurja: Protestë dhe në Parlament

26 Shtator, 22:55