POP 5

Lajmet më të lexuara të 5 minutave të fundit

Sociale

Rrëqebulli i Ballkanit në parkun e Munellës në rrezik, ekspertët i bashkohen qëndresës së banorëve të Thirrës kundër HEC-it

Rrëqebulli i Ballkanit i cili ka ngritur strehë në Parkun e Munellës, është në rrezik, për shkak të ndërtimit të hidrocentralit dhe të fabrikës së Ujit në Thirrë të Mirditës, që po dëmtojnë natyrën. Shqetësimi është ngritur nga ekspertet e Mjedisit Natyror ne Shqipëri.

Ndërtimi i hidrocentralit dhe i Fabrikës së Ujit në Thirrë të Mirditës përvese po dëmton natyrën, po rrezikon Rrëqebullin e Ballkanit dhe Ariun e Murrmë, kafshë të cilat kanë ngritur strehe në parkun natyror të Munellës.

Shqetësimi është ngritur ekspertët e organizatës së Ruajtjes dhe Mbrojtjes së Mjedisit Natyror në Shqipëri.

“Jemi mu në mes të habitatit të rrëqebullit të ballkanit që është lloji më i rrezikuar në nivël kombëtar por edhe më i rrezikuari në kontinentin evropian. Një lloj i mbrojtur nga një seri ligjesh dhe konventash ndërkombëtare që Shqipëria ka ratifikuar. Në të njëjtën kohë këtu po ndodh një shkatërrim i madh në një vepër infrastrukturore përtej faktit që ndodh në një vend që nuk duhet të ndodhë por po shkatërron dhe një përdorim a një traditë shekullore kulturore që banorët kanë pasur me lidhjen e tyre me territorin me tokën e me burimet ujore që i shfrytëzojnë. U bëjmë apel të gjithë institucioneve përgjegjëse që këtë zonë ta mbrojnë”, tha Aleksandër Trajçe specialist mjedisi.

 “Investime të tilla ndikojnë në degradimin e habitatit dhe në fragmentimin e tij. Kjo sjell pasoja të mëdha kryesisht në popullatën e rrëqebullit të ballkanit e cila është identifikuar në këtë zonë dhe duke e fragmentuar korridorin lidhës midis maleve kryesore në këtë rajon. Kjo bën lëvizshmëria e kafshëve të kufizohet çka sjell ndikim negativ në rënien e popullatës së rrëqebullit ku aktualisht janë identifikuar dy ose tre në këtë rajon. Jemi në situatë kritike”, tha Bledi Hoxha biolog.

Rrëqebulli i Ballkanit është lloji më i rrezikuar në nivel kombëtar dhe evropian, ndaj apelohet për mbrojtjen e parkut natyror të Munellës, zonë në të cilën ka ngritur strehe kjo specie e cila mbrohet nga një sërë ligjesh dhe konventash ndërkombëtare të cilat Shqipëria i ka ratifikuar.

Prej një jave banorët e fshatrave Thirrë, Sang dhe Hebe janë vendosur në çadra për të mos lejuar kompaninë të vijojë punimet e paligjshme.

Më 28 shkurt bashkia Mirditë pezulloi punimet dhe gjobiti kompaninë me 3 milion lekë, për shkak të mungesave në dokumentacion, por kompania e vijojë punën pavarësisht vendimit. Ndërkohë vijon beteja ligjore e banorëve me kompaninë Sang 1 në Gjykatën e Apelit.

Ndërtimi i hidrocentralit dhe fabrikës së ujit përveç se po dëmton mjedisin po  ju merr burimet ujore banorëve që i përdornin për vaditjen e tokave dhe bagëtinë.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Aktivitetet kulturore/ ‘Arrëthyesi’, baleti emblematik i Krishtlindjes te Opera, dy shfaqje teatrore

Aktivitetet kulturore/ ‘Arrëthyesi’, baleti emblematik i Krishtlindjes te Opera, dy shfaqje teatrore

25 Dhjetor, 09:59 nga Blerina Goce