"Rreze dielli", znj.Tefta dhe Erjoni
përgatisin dy receta të shijshme

Nxënësi Erjon Bardhi ka vijuar ditën e tretë të gatimit në emisionin Rreze Dielli.

Tanimë më i lirshëm dhe i ambientuar me kamerat Erjoni ka vëzhguar zonjën Tefta në përgatitjen e dy recetave të përzgjedhura për ditën e sotme.



Ajo ka realizuar dy gatime të shijshme dhe praktike për ndjekësit e kësaj rubrike të përditshme.

Nxënësi Bardhi duhet të tregohet i vëmendshëm jo vetëm në përgatitjen e recetave por dhe për të memorizuar përbërësit.

Ditën e premte Erjoni do të realizojë i vetëm dy receta të zgjedhura nga juria.



Do të jetë një mësuese, një shef kushine dhe zonja Tefta, të cilët do të vlerësojnë me pikë punën e Erjonit.

Vlerësimi ashtu si dhe për konkurentët paraardhës do të bëhet në bazë të kritereve të përcaktuara më parë nga juria, ku përveç shijes së gatimit do të vëzhgohet dhe mënyra se si sillet konkurrenti me terrenin e punës.



Ky konkurs do të sjellë çdo javë një nxënës të ri nga shkolla e Hoteleri-Turizmit, deri në finalen e madhe, e cila do të jetë në muajin qershor.

Në fund të çdo javë nxënësit do të pajisen me një certifikatë si dhe me një dhuratë me pajisje eletroshtëpiake.

Në fund do të shpallet dhe fituesi, i cili do të jetë konkurrenti me më shumë pikë, të mbledhura gjatë javëve të konkursit.



Receta e parë, Komposto me Fruta

Përëbrësit:

Mollë jeshile 2
Dardha 2
Ananas 1
Sheqer 150 gr
Kanellë 1 shufër
Konjak 1 lugë gjelle
Limon 2



Receta e dytë, Eskallop Furre me Kërpudha

Përbërësit:

Fileto Viçi 500 gr
Miell 400 gr
Verë e Kuqe 200 ml
Vaj ulliri Altis
Gjalp
Piper i Zi
Lëng Mishi Tablet Knor
Kërpudha 500 gr
Verë e bardhë 70 ml
Limon 1 kokërr
Majdanoz 1 tufë

Redaksia Online
(b.t/shqiptarja.com)