Skandali i korrupsionit që ka përfshirë Parlamentin Europian u thellua edhe më tej këtë javë pasi zyrtarët njoftuan se do të kërkonin heqjen e imunitetit për dy anëtarë të këtij institucioni të akuzuar se kanë marrë rryshfet nga Katari.
Anëtari Italian i Parlamentit Europian, Andrea Cozzolino dhe kolegu i tij belg Marc Tarabella, të dy të majtë social-demokratë janë ligjvënësit e fundit europianë të përfshirë në skandalin e korrupsionit, që ka goditur Brukselin. Të dy ligjvënësit i kanë mohuar akuzat.
Pas një hetimi të gjatë 1-vjeçar, policia belge bastisiti zyrat dhe shtëpitë e ligjvënësve ku u gjetën 1.6 milionë dollarë para të thata.
Në 9 dhjetor, në shtëpinë e Zv. Presidentes së Parlamentit Europian, Eva Kaili u gjetën 158 mijë dollarë. Ajo u akuzua se kishte marrë rryshfet nga Katari.
“Ryshfeti u mor për të favorizuar Katarin në vendimet e Parlamentit Europian mbi çështje ekonomike, financiare dhe politike”, shprehet Eric Van Duyse nga Zyra e Prokurorit të Belgjikës.
Parlamenti Evropian votoi në 13 nëntor për shkarkimin nga detyra të zëvendës presidentes se Parlamentit, Eva Kaili, përfaqësuese e Greqisë. Në nëntor, para operacionit policor ajo foli në mbështetje të Katarit në Parlamentin Europian, duke i akuzuar kritikët për hipokrizi.
“Ata zgjodhën të përqafojnë një vizion të ri, të jenë të hapur ndaj botës. Megjithatë, disa anëtarë këtu po bëjnë thirrje për t’i diskriminuar ata. I diskriminojnë dhe këdo që bisedon apo angazhohet e akuzojnë për korrupsion. E megjithatë e duan gazin e tyre”, u shpreh aso kohe zonja Kaili.
Partneri i zonjës Kaili, që punon si ndihmës në Parlamentin Europian dhe dy persona të tjerë janë akuzuar se kanë marrë para nga Katari. Të gjithë i kanë mohuar këto akuza.
Disa ligjvënës europianë po kërkojnë rishqyrtimin e politikave ndaj Katarit, përfshirë votimin për liberalizimin e vizave për qytetarët e këtij vendi.
“Mesa duket Katari ka synuar të ndikojë këtë vendimarrje. Aktualisht vendimmarrja për heqjen e vizave është pezulluar”, thotë nga André Wolf Qendra për Politika Europiane.
Katari ka mohuar akuzat se ka tentuar të korruptojë zyrtarët europianë dhe ka paralajmëruar se po rrezikohen marrëdhëniet me Europën.
Gjermania dhe Belgjika janë mes vendeve të Bashkimit Euopian që kanë firmosur marrëveshje për të blerë gaz nga Katari, ndërsa vendet e bllokut po tentojnë të mos varen më nga gazi rus pas sulmit të Moskës ndaj Ukranës.
“Për shkak të instrastrukturës së zhvilluar dhe afërsisë me Europën, Katari do të luajë një rol të rëndësishëm. Do të luajë rol edhe më të rëndësishëm për nevojat e Europës për import të gazit”, thotë zoti Wolf.
Katari u përball me kritikat e Evropës edhe mbi respektimin e të drejtave të njeriut gjatë muajit të kaluar, gjatë kampionatit botëror të futbollit.
"Ndikoi në disa çështje të rrënjosura mjaft thellë që lidhen me kulturën dhe fenë, të cilat nuk duhen përzierë me Kupën e Botës apo çështje të tjera politike. Mendoj se marrëdhëniet e ndërsjellta mund ta kapërcejnë këtë periudhë, sepse është në interesin e të dyja palëve të bashkëpunojnë", thotë zoti Wolf.
Presidentja e Parlamentit Evropian ka paralajmëruar se procedimet penale po dëmtojnë besimin tek Bashkimi Europian dhe gjithçka që përfaqëson unioni./VOA
Lajme të tjera
-
Shpërthimi në Zubin Potok/ Raportuesi për Kosovën në PE: Kriminelët të dalin para drejtësisë
9 Dhjetor, 15:43 -
Ministri Hasani përfundon vizitën në Doha: Diskutuam mbi çështjet globale, forcojmë marrëdhëniet Shqipëri-Katar
9 Dhjetor, 14:50 -
VIDEO/ Klas i pastër, Ronaldinho i shënon supergol Real Madridit në El Clasicon e legjendave
29 Nëntor, 10:08 -
VIDEO/ Cristiano Ronaldo ‘si vera’, shënon dy gola në Champions League me Al Nassr
26 Nëntor, 12:02 -
Augustin Palokaj: Fillimi i ri apo vazhdimi i të vjetrit në BE
25 Nëntor, 15:41
-
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Riho Terras nga Estonia emërohet raportues për Kosovën në Parlamentin Europian
18 Nëntor, 15:49 -
BE/ PPE dhe e djathta kundër ligjit për shpyllëzimin: Shumica Ursula nuk ekziston më
14 Nëntor, 17:58 -
Gaza/ Katari tërhiqet si ndërmjetësues në negociatat për armëpushim: Selia e Hamasit në Doha nuk ka arsye të ekzistojë! Grupi palestinez: Asnjë kërkesë për largim nga vendi
9 Nëntor, 08:50 -
Ylli Pata: Shuplaka e europarlamentarëve ndaj Gazment Bardhit, kur BE flet shqip
30 Tetor, 21:16
-
Zbardhen Amendamentet që PS-ja i pranoi Fredi Belerit! Të parat u aprovuan, 3 të fundit u riformuluan me bashkëdakordësi, por PD refuzoi
30 Tetor, 15:48 -
Tryeza e stabilizim-asociimit, s'ka konsensus para BE-së! Opozita refuzon të votojë deklaratën e përbashkët! Eurodeputetët: Vota kundër sinjal negativ për Brukselin
30 Tetor, 12:07
