POP 5

Lajmet më të lexuara të 5 minutave të fundit

Ekonomi

Rriten çmimet, 40% e buxhetit familjar shkon për ushqim

Sipas INSTAT gjatë vitit të fundit në Shqipëri janë rritur ndjeshëm çmimet e ushqimeve, duke bërë që 40% e buxhetit të familjeve të shpenzohet për ushqimin.

Rritja e çmimeve për të gjitha grupet kryesore të konsumit, nga ushqimi deri tek argëtimi, ka shtrenjtuar koston e jetësës për shqiptarët. Vetëm çmimet e frutave janë rritur me rreth 40% krahasuar me vitin 2018. Konkretisht nëse 1 kilogram dardha në qershorin e 2018 kushtonte 100 lekë, këtë vit është 140 lekë.

Sipas INSTAT vetëm për ushqime dhe pije joalkoolike familjet shqiptare kanw harxhuar në 2019, 41.3% (33.952 lekë) të buxhetit të tyre mujor, ndërkohë që shpenzimet në vitin 2020 dhe 2021 janë përsëri në trend rritës për produktet e shportës ushqimore.

Pas ushqimeve, faturat e ujit dhe energjisë marrin buxhetin më të madh të familjeve me 8.291 lekë nga 7.988 lekë që ishte në 2018. Më pas renditen shpenzimet për mobilim shtëpie, veshje dhe këpucë apo transport.

Këto shpenzime në rritje janë të papërballueshme për 23% të shoqërisë e cila sipas INSTAT në vitin 2019 kishte rrezik se do kalonte në varfëri.

Po ashtu edhe për familjet me një apo dy të punësuar duhet që kenë paga mesatare në mënyrë që të përballojnë shpenzimet e konsumit mujor. Sipas një tjetër raporti të INSTAT mbi nivelin e pagave në vend thuhet se aktualisht 63.1% e të punësuarve kanë paga deri në 50 mijë lekë, ku mbi 26% janë me pagë minimale.

Sipas të dhënave të INSTAT shpenzimet mesatare për konsum në vitin 2019 për familje arrinin në 82.235 lekë nga 75.935 lekë që ishte në 2018, pra rritja e shpenzimeve është 6.300 lekë.

Për të mbuluar këtë shtrenjtim të jetesës nevoja për të ardhura është më e lartë por në fakt në këtë periudhë 2018-2019 pagat mesatare janë rritur me 1.146 lekë, pra 5 herë më pak se shpenzimet.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Manchester City ndalet 2-2 në fund, barazime me gola edhe për Liverpool e Chelsea

Manchester City ndalet 2-2 në fund, barazime me gola edhe për Liverpool e Chelsea

15 Janar, 10:48