POP 5

Lajmet më të lexuara të 5 minutave të fundit

Kronikë

Rriten sipërfaqet me kanabis në Lezhë, mblidhet task-forca! Prefekti jep alarmin: Shifrat tregojnë shtim, gjithsekush të bëjë detyrën

Lezha është kthyer në një njollë të zezë në hartën e vendeve që kultivojnë kanabis. Kështu deklaroi prefekti i këtij qarku Gjok Jaku, duke folur me shqetësim në mbledhjen e task force. Ai deklaron se gjatë këtij viti është vënë re tendenca për shtimin e sipërfaqeve të mbjella me lëndë narkotike.

Sipërfaqet e mbjella me kanabis janë rritur frikshëm gjatë 4 muajve të fundit në Lezhë, Mirditë dhe Kurbin, për këtë arsye Prefekti i këtij qarku Gjok Jaku ka thirrur task-forcë,duke kërkuar marrjen e masave të menjëhershme, sidomos nga Policia. Jaku deklaron se Lezha është kthyer në një njollë të zezë sa i përket vendeve ku kultivohen më së shumti bimët narkotike.

"Ajo që shoh sinjalet nuk janë pozitive nga raportimet e drejtorisë së policisë ka pas disa goditje në të tria njësitë Lezhë, Kurbin e Mirditë kemi raste jo vetëm të tentativës por edhe të kapjes së fidanëve pavarësisht kemi një apo dy autorë shihet tendencë në rritje. Këto shifra që raportohen tregojnë një tendencë në rritje që ky sezon të jetë tendencë për shtimin e sipërfaqeve nga kultivuesit ku munden dhe si munden nga grupet kriminale. Secili prej pjesëtareve të task-forcës të bëjë punën e duhur që lezhë të mos jetë njollë e zezë në hartën e kanabisit", ka deklaruar Gjok Jaku, prefekt i Qarkut Lezhë.

Drejtori i Policisë Vendore në Lezhë Zef Laska, nuk dha shifra për sipërfaqet e mbjellura me drogë këtë vit, por tha se janë identifikuar zonat më problematike, ndërsa disa po mbahen në monitorim.

"Ne kemi të qartë hartën e kultivimit për çdo bashki, kemi identifikuar autorët e mundshëm dhe po i monitorojmë në mënyrë fijuese. larg de sa më larg këtij fenomeni se asnjë nuk do të tolerohet", shprehet Zef LASKA, drejtor i Policisë Lezhë.

Task-Forca e qarkut të Lezhës u mblodh një ditë pasi policia njoftoi se ka kryer një operacion në zonën malore të Mirditës, ku u arrestuan 5 persona që u kapën duke fidanë me bimë narkotike.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Presidenti ukrainas Zelensky: Kemi çdo shans për t'i dhënë fund luftës vitin e ardhshëm

Presidenti ukrainas Zelensky: Kemi çdo shans për t'i dhënë fund luftës vitin e ardhshëm

24 Nëntor, 08:24