POP 5

Lajmet më të lexuara të 5 minutave të fundit

Ekonomi

Rriten të ardhurat/ Janar-shkurt mblidhen 106.8 mld lekë, rënie nga pushteti vendor, reduktohen investimet

106.8 miliardë lekë janë mbledhur vetëm në dy muajit e parë të vitit, nga 103.5 miliardë lekë që janë mbledhur në të njëjtën periudhë të një viti më parë. Në janar dhe shkurt kanë pasur ecuri pozitive mbledhja e të ardhurave nga TVSH-ja, tatimi mbi të ardhurat dhe akciza. Ndërsa ecuri negative kanë pasur investimet dhe mbledhja e të ardhurave nga pushteti vendor.

Në muajin e dytë të vitit të ardhurat e mbledhura kanë arritur në rreth 70.8 miliardë lekë, nga 68.8 miliardë lekë që u mblodhën në muajin shkurt të vitit të kaluar, pra rreth 2 miliardë lekë më shumë. Në muajin shkurt referuar të dhënave të Ministrisë së Financave të ardhurat tatimore kanë arritur në 66.9 miliardë lekë, ku 46.9 miliardë janë mbledhur nga tatimet dhe doganat.

Me rreth 1.4 miliardë lekë janë rritur të ardhurat nga TVSH-ja në muajin shkurt të këtij viti krahasuar me të njëjtën periudhë të një viti më parë. Konkretisht në muajin shkurt të ardhurat nga TVSH-ja kanë kapur shifrën e 22.9 miliardë lekëve.

Të ardhurat e arkëtuara nga ky zë buxhetor kanë pasur ecuri pozitive, pavarësisht se gjatë vitit të kaluar plani i realizimit të ardhurave nuk u realizua në asnjë muaj në 2019. Në këtë periudhë të parë të vitit ecuri pozitive kanë pasur të ardhurat nga tatimi mbi fitimin, si dhe të ardhurat nga akciza.

Ndërkohë kanë pasur ecuri negative të ardhurat e mbledhura nga tatimi mbi të ardhurat personale pasi kanë rënë me 484 milionë lekë në shkurt të këtij viti dhe janë arkëtuar gjithsej 6.1 miliardë lekë. Po ashtu edhe pushteti vendor nuk ka regjistruar ecuri pozitive, pasi të ardhurat kanë pësuar rënie nga 3.2 miliardë që u mblodhën një vit më parë në 2.9 miliardë në këtë vit.

Po ashtu edhe investimet nuk kanë regjistruar ecuri pozitive pasi shpenzimet janë reduktuar në raport me vitin e kaluar. Në dy muajit e parë të vitit shpenzimet kanë arritur në 99.3 miliardë lekë ndërsa në të njëjtën periudhë një vit më parë shpenzimet arritën në 100 miliardë lekë.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03