Rriten të ardhurat në buxhet nga punësimi, ulen të ardhurat nga zerimi i taksës për bizneset

Heqja e taksave për biznesin e vogël, ka nisur të jap efektet e para në buxhetin e shtetit. Sipas të dhënave nga Ministria e Financave të ardhurat nga TVSH-ja dhe tatimi mbi fitimin kanë pasuar rënie në dy muajit e parë të vitit. Ndërsa nga ana tjetër është gjallëruar punësimi, pasi janë rritur të ardhurat e lidhura me tregun e punës.

Konsumi është vënë në qendër të vëmendjes nga ekspertet si nxitës i rimëkëmbjes së shpejtë të ekonomisë. Mirëpo të dhënat flasin për rënie të tij edhe në vitin 2021. Tregues për këtë është edhe tkurrja e të ardhurave nga TVSH-ja, me -5.7% në dy muajit e parë të këtij viti krahasuar me vitin e kaluar.

Ndërkohë që rënia është më e lartë në raport me planifikimin që Ministria e Financave kishte bërë gjatë hartimit të buxhetit për këtë vit. Pasi tkurrja është me -16.5% vetëm në muajin shkurt.

Konkretisht në dy muajit e parë të vitit janë mbledhur nga TVSH-ja 21.6 miliardë lekë, ose 4.2 miliardë më pak se parashikimi i financave dhe 1.3 miliardë lekë më pak se në janar-shkurt 2020.

Ndikim në këtë rënie ka dhënë edhe rritja e pragut të TVSH-së nga 2 milionë lekë që ishte duke e çuar në 10 milionë lekë, dhe duke përjashtuar nga ky detyrim mbi 46 mijë biznese të vogla.

Nga ana tjetër rënie është regjistruar edhe tek të ardhurat nga tatim-fitimi. Në janar-shkurt në buxhet janë arkëtuar nga ky zë 3.7 miliardë lekë, me një rënie prej 7.7% krahasuar me planifikimin dhe me 17.6% në raport me të njëjtën periudhë të vitit të kaluar kur nuk kishte nisur pandemia COVID-19.

Këtu ka ndikuar vijimi i pandemisë dhe mbajtja në presion e bizneseve për shkak të kufizimit të orareve, por pesha më e madhe është nga heqja e kësaj takse për bizneset e vogla me xhiro deri në 14 milionë lekë. Kjo rënie e të ardhurave ishte e pritshme nga qeveria, e cila ka vendosur që këto para tia lërë në dorë biznesit.

Ndërkohë rritje e konsiderueshme është regjistruar tek treguesit e të ardhurave që lidhen me punësimin, duke treguar për një përmirësim të tregut. Sipas të dhënave të Ministrisë së Financave të ardhurat nga tatimi mbi pagën janë rritur me 3.3% krahasuar me 2020. Konkretisht janë mbledhur 6.4 miliardë lekë nga 6.1 miliardë lekë që u mblodhën në janar-shkurt 2020.

Po ashtu përmirësimi i punësimit është reflektuar edhe tek të ardhurat nga kontributet shoqërore dhe shëndetësore. Konkretisht këtë vit janë mbledhur 17.6 miliardë lekë nga 17.1 miliardë lekë që ishin mbledhur në të njëjtën periudhë të vitit të kaluar.

TË ARDHURAT NGA TVSH

Plani 2021    25.911 mld lekë

Viti 2021      21.630 mld lekë

Viti 2020      22.929 mld lekë

TË ARDHURAT NGA TATIM-FITIMI

Plani 2021    4.021 mld lekë

Viti 2021      3.713 mld lekë

Viti 2020      4.506 mld lekë

TATIMI MBI TË ARDHURAT PERSONALE

Viti 2021      6.493 mld lekë

Viti 2020      6.109 mld lekë

Diferenca      +384 mln lekë

TË ARDHURAT NGA KONTRIBUTET

Viti 2021      17.672 mld lekë

Viti 2020      17.104 mld lekë

Diferenca        +568 mln lekë

SI.E./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Mero Baze: Marrëveshja e normalizimit” është shans për të normalizuar Lulizm Bashën dhe PD

Mero Baze: Marrëveshja e normalizimit” është shans për të normalizuar Lulizm Bashën dhe PD