POP 5

Lajmet më të lexuara të 5 minutave të fundit

Sociale

Rritet çmimi i bukës me 20-40 lekë, pensionistët: S'ia dalim dot, me pensionet që kemi të blejmë ilaçet apo bukën 150 lekë

Çmimi i bukës është rritur ndjeshëm në disa qytete të vendit, ndërsa në Fier qytetarët po e blejnë bukën masive 40 lekë më shtrenjtë. Report Tv sjell zërat e qytetarëve edhe në Lezhë dhe Kukës të cilët thonë se me rrogat dhe pensionet që kanë nuk ia dalin t’i përballojnë këto çmime.

Një bukë masive në Fier kushton 150 lek! Duke pësuar një rritje me 40 lek brenda ditës. Furrtarët tregojnë se shkak është rritja e çmimit të miellit.

"Rritja e bukës vjen se kanë ndryshuar dhe çmimet e tjera, kryesisht miellin që e blejmë shumë shtrenjtë", tha një furrtar.

Qytetarët shprehen të shqetësuar dhe kërkojnë nga institucionet të ushtrojnë kontrolle për frenimin e abuzimit me çmimet e bukës dhe ushqimeve të shportës.

"Nuk e përballoj dot se 160 mijë e kam pensionin. Çfarë të blej bukën apo ilaçet që më shkojnë 30 mijë lek?, tha një e moshuar.

"Edhe ushqimet janë rritur të gjitha, aty ku s'mban më ka shkuar gjendja", tha një tjetër.

Tabela me çmime është afishuar në xham! Një bukë masive me peshë 800 gr kushton 100 lek në Kukës. Të gjitha furrat e bukës në qytetin verilindor kanë rritur çmimet, ndërsa për qytetarët jetesa po bëhet e papërballueshme.

"1000 lek buka sot, më herët ka qenë 800 lek. Marr tre bukë në ditë se jemi familje me 7 anëtarë", tha një qytetar.

Buka po shitet 20 lekë më shtrenjte dhe në Lezhë. Qytetaret kërkojnë ndërhyrjen e qeverisë për të frenuar rritjen e çmimeve.

" Ka qenë 1 mijë dhe është bërë 1200 lek. Zgjidhja do të ishte ndërhyrja e qeverisë për paketë sidomos për pensionistët", thanë ata.

Rritja e çmimeve ka nisur në muajt e fundit të 2021 dhe ka arritur kulmin pas luftës në Ukrainë. Karburanti dhe mielli po japin efektin zinxhirë në rritjen e produkteve të tjera.

I.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • semi: 10/03/2022 19:21

    Qe rritja e cimeve eshte ne cdo drejtim duket por ky berkederri qe ka dale ne foto duket qe eshte i uritur... Bravo fotografit se paske gjetur njeriun e duhur...

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

Këshilli Drejtues i RTSH vendos 2 kandidatët që vazhdojnë garën për drejtor, 3 të skualifikuar

27 Janar, 17:46