TIRANË- Në Shqipëri është rritur cmimi i bukës dhe prej ditësh furrat po shesin me cmim deri në 10% më të lartë.
“Gazetarja: A është rritur çmimi i bukës këtu tek ju?
Furra Bukës: Është rritur çmimi i bukës me 10 lekë, sepse është rritur edhe çmimi i miellit”.
Qytetarët po e blejnë bukën me 10 deri në 20 lekë më shumë se javën e kaluar, duke shkuar deri në 90 lekë një bukë, në varësi edhe të peshës dhe llojit të bukës.
“Është shtrenjtuar edhe buka deri në 20 lekë. me thënë të drejtën unë blej miell dhe ai ishte shtrenjtuar. Unë 25 kilogram një thes e merrja 1300 lekë tani e marr 1400 lekë.
Po është shtrenjtuar me 10 lekë.
Është rritur çmimi i bukës me 10 lekë, nga 60 lekë ka shkuar në 70 lekë”, shprehen disa qytetarë.
Por çfarë po ndodh me këtë treg?
Report Tv u interesua pranë shoqatës së Prodhuesve të Bukë, të cilët thonë se rritja e cmimit të bukës është reflektuar si pasojë e shtrenjtimit të miellit në treg, dhe i produkteve të tjera, si vaj apo margarina.
“Po është shtrenjtuar mielli, me 4-5 lekë për kilogram”, pohon një shitës në një pikë shumice mielli në Tiranë.
Por duket se xhepat e shqiptarëve do të rëndohen edhe më shumë. Adi Haxhiymeri, nga Shoqata e industrisë së përpunimit të miellit thotë se rritje e çmimit do të vijojë edhe në javët në vijim dhe mund të arrij deri në 20%. Sipas Haxhiymerit shtrenjtimi i miellit ka ardhur si pasojë e luhatjeve në bursën ndërkombëtare, pasi është ulur prodhimi i grurit me 20 milionë ton më pak, nga të cilat 15 milionë ton më pak i ka Rusia nga ku edhe furnizohemi. 1 ton grurë është shtrenjtuar me të paktën 130 dollar, nga 220 dollar që ishte në muajin tetor, duke shkuar në vlerat 350-360 dollarë për ton.
Ulja e prodhimit të grurit ka ardhur si pasojë e thatësirës dhe përmbytjeve që ndodhën në disa vende të Evropës thotë ndër të tjera përfaqësuesi i një prej kompanive të miellit në treg.
Përpos miellit dhe çmimit të bukës, operatorët e tregut paralajmërojnë një rritje të shpejtë të çmimit të makaronave.
Duke qenë se ka mungesë në bursën ndërkombëtare, Haxhiymeri pohon se çmimi i grurit të fortë ‘durum’ që është lënda e parë për makaronat është rritur me 100%. Një shtrenjtim i tillë sipas tij nuk kishte ndodhur kurrë më parë, por në një situatë të tillë ku fuqitë botërore kanë ulur prodhimin shtrenjtimi i produkteve është i pashmangshëm.
Çmimi i bukës nëpër furra është rritur me 10 deri në 20 lekë nga java e kaluar. Shkak për këtë është bërë shtrenjtimi i miellit, si pasojë e mungesës së grurit që importojnë nga jashtë. Përpunuesit e miellit paralajmërojnë se shumë shpejt do të rritet edhe çmimi i makaronave.
Ndërkohë qytetarët në Vlorë shprehen shumë të indinjuar për rritjen e çmimit dhe nënvizojnë se kjo nuk është e drejtë pasi të gjitha çmimet janë duke u rritur dhe po bëhen të papërballueshme.
'Le të na e presin bukën dhe të mos hamë fare, po ç'është kjo që na rrisin çmimin e bukës në këtë periudhë që jemi ne. Unë marrë 96 mijë lekë pension, as për bukë thatë nuk më del se marr ilaçe'- u shpreh një qytetar.
'Shumë gabim, ne nuk kemi mundësi sepse edhe pensionet, janë shumë të ulëta, nuk se do rritet vetëm buka, por janë rritur çmimet në përgjithësi.'- tha një tjetër.
'S'është e përballueshme, të gjitha janë rritur, fruta perime janë rritur të gjitha'- tha një tjetër qytetar.
Sipas tyre këtë punë e ka shteti në dorë, ndërkohë që pensionistët shtojnë se nuk ja dalin dot më shumën që ato marrin.
'Këtë punë e ka shteti në dorë se ne nuk kemi gjë, se ai është privat e merr miellin sado dhe e shet sa do. Është gjynah të shesësh bukën 1200 lekë, shumë shtrenjtë, me pensionin tim 160 mijë lekë s'ia dal dot'- tha një qytetar.
'Për ibret, as bukë s'do hamë, s'është e përballueshme.'- u shpreh qytetari.
'Ç'a do na dalë ne me 130 mijë lekë që marrim të blejmë bukën apo ilaçe'- tha një qytetar.'Nuk është e drejtë, pagat janë shumë të ulëta, është gjynah nga Zoti sidomos për ne pensionistët'- u shpreh një qytetar.
Komente
Lajme të tjera
-
Krifca me prodhuesit e bukës: Mbrojmë prodhimin tradicional, kontribut në punësim
16 Mars 2023, 09:27 -
Duhet apo jo ta ruash bukën në frigorifer?
15 Dhjetor 2022, 11:40 -
Bukë me ullinj dhe speca të kuq nga zonja Albana
9 Dhjetor 2022, 12:43 -
Bukë me hirrë dhe ullinj nga zonja Albana
31 Tetor 2022, 11:41 -
Së shpejti buka dhjetë euro në Gjermani?
18 Shtator 2022, 11:38 -
Kosovë/Qeveria merr vendim që të lejohet eksporti i miellit, vajit dhe sheqerit
14 Shtator 2022, 15:48 -
Bukë e aromatizuar nga zonja Albana
4 Maj 2022, 10:52 -
Avdul Zebi rikthen traditën e mullirit të blojës: Investimi është i vogël, por përkushtimi ndaj punës është i madh
3 Prill 2022, 17:14
-
Lufta në Ukrainë, rritet çmimi i miellit me shumicë në Vlorë, një kuintal shkon 7 mijë lekë, tregtarët: E marrim më shtrenjtë nga fabrika
1 Mars 2022, 11:40
-
Lufta në Ukrainë, rritje abuzive e miellit nga tregtarët e prodhuesit! Qytetarët nxitojnë të blejnë miell: Rezerva për 3 muaj
28 Shkurt 2022, 16:18 -
Frika nga lufta dhe shtrenjtimi i mundshëm i çmimeve nxit blerjet e miellit në vend, për 2 ditë dyfishohen shitjet
26 Shkurt 2022, 10:13 -
Gatime nga zonja Albana, Bukë pa gluten
11 Shkurt 2022, 11:13
keta kokelopat ne shqiperi hane dhe shume buke si do ja bejne?! cmimin ja ngriten dhe peshen ja ulen, dy here gol ... mos u merzitni se mire e keni nisur
PërgjigjuDale dale se skeni pare gje akoma thoshte Ramiz Alia.
PërgjigjuShqelmin ne fyt se keshtu jo do e ju votojne me shume. Taktika enverit do te rroje e mbretetoje edhe 100 vjet te tjera. Po rrogat jane rritur ndopak, apo çe deshe ate pune!
Përgjigju