POP 5

Lajmet më të lexuara të 5 minutave të fundit

Ekonomi

Rritet prodhimi prej reshjeve, KESH shet 57 mijë MWh energji! Për vitin 2023 shitjet arrijnë 51.6 milionë euro

Reshjet e fundit kanë përmirësuar situatën në kaskadën e Drinit duke i mundësuar KESH-it eksportimin e energjisë. Në ankandin e fundit është shitur 57 mijë megavat energji me vlerë 5.6 milionë euro. Ndërsa përgjatë gjithë vitit shitjet në total arrijnë në 51.6 milionë euro, kundrejt importit që arrin në 60.5 milionë euro, ose 8 fish më pak se një vit më parë.

Reshjet e shumta gjatë këtyre javëve, kanë rritur ndjeshëm nivelin e ujit në kaskadën e Drinit, pasi Fierza ka arritur në kuotën 274.7 metër, Komani 171.1 metër dhe i Vaut të Dejës 73.6 metër.

Prurjet e shumta kanë rritur prodhimin, e për pasojë KESH ka bërë disa ankande për të shitur energji. Në ankandin e fundit KESH ka shitur 57 mijë megavat energji me vlerë afërsisht 5.6 milionë euro.

Çmimi mesatar me të cilin është shitur energjia në ankandin e fundit ka qenë 97.4 euro megavati, ndërkohë që aktualisht çmimi i energjisë në bursë është mbi 120 euro për megavat.

Ulja e fortë e çmimit të energjisë në krahasim me vitin e kaluar, ka ulur ndjeshëm kostot e importit, dhe nga ana tjetër reshjet kanë favorizuar eksportin gjatë këtij viti.

Nga kalkulimi i të dhënave nga ankandet e bëra të KESH për shitje energjie, rezulton se prej janari deri më tani janë shitur mbi 597 mijë megavat energji me vlerë rreth 51.7 milionë euro.

Ndërkohë që në total janë importuar 60.5 milionë euro energji, ku blerjet më të mëdha janë bërë në muajit e verës deri në tetor.

Për shkak të çmimeve të larta të bursës në vitin e kaluar ku një megavat arriti deri mbi 1000 euro, vendi shpenzoi 503,8 milionë euro për të blerë energji, ndërsa në total shiti vetëm 37.9 milionë euro referuar të dhënave të Entit Rregullator të Energjisë.

EKSPORT-IMPORT I ENERGJISË
Eksportet                        51,637,303 euro
Energjia e Shitur             597,740 megavat
Importet                          60,518,761 euro

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Respekte: 06/12/2023 17:35

    Respekte per qeverine Hoxha , akoma me leket e Enver Hoxhes dhe veprave komuniste jeton ai popull i Vogel. 35 vjet demokraci duhen 2-3 vite vetem projektim te nje projekti dhe 10 vite nje projekt nuk e kane mbyll , ja psh akoma ne 2024 rruga Durres Kuks Morine nuk ka mbaruar akoma 100% , me kete teknologji qe ka koha cdo gje ne shqiperi e mbaron per gjysme dekade , ndaj falenderojme gjysh stergjysherit e kohes se monizmit qe kemi akoma hidrocentrale dhe rryme se per keto kohe qe mbeten ne lane ne dere politikan dopjo gjashte! Edhe po ta mendosh kuadrot e atyre koherave sot as 100$ nuk kane pension ama ndertuan gjithe infrastructuren energjitike! Flasim drejt dhe rrime te shtremberuar…

    Përgjigju
  • Hahah: 06/12/2023 16:18

    Kaq pak kane deklaruar?? Tallin b..me popullin

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Kosova bëhet me Muze të Gjenocidit dhe Përpjekjes për Liri

Kosova bëhet me Muze të Gjenocidit dhe Përpjekjes për Liri

18 Dhjetor, 13:36