Protestë kundër rritjes së çmimit të naftës në Korçë! Mes turmës edhe deputetët e Berishës, përplasen me policinë! Fermerët në Lushnjë bllokojnë rrugën për disa minuta

Rreth mesditës u zhvillua një tjetër protestë e thirrur në rrjetet sociale për rritjen e çmimit te naftës. Qytetarët tentuan të bllokojnë rrugën në rrethrrotullimin e terminalit të Korçës. Mes protestave të Korçë është edhe deputeti Edmond Spaho, i cili është përplasur me policinë. teksa ata po tentonin të bllokonin rrugën nuk janë lejuar nga kordoni i policisë ku ka pasur tensione mes Spahos dhe tyre, por edhe me qytetarët.

Protestojnë qytetarët korçarë për rritjen e çmimit të naftës si edhe produkteve të tjera. Protesta po zhvillohet në rrethrrotullimin e qytetit ndërsa qytetarët po tentojë të bllokojnë rrugën.

Qytetarëve i janë bashkuar edhe fermerëve të zonës të cilët protestojnë kundër rritjes së çmimit të naftës,rritja e shportës ushqimore,rritja e plehrave kimike etj.

"Ç'punë kemi ne me luftën në Ukrainë. Këta thjeshtë po vjedhin dhe pasurohen", tha një nga protestuesit

Dhjetëra studentë të qytetit të Korçës kanë bojkotuar mësimin dhe kanë dalë për të protestuar kundër rritjes së çmimeve. Ato thonë se rritja e çmimit të naftës ka sjellë edhe rritje të çmimit të biletës dhe shumë studentë që ndjekin studimet në Korçë, nuk kanë mundësi që të paguajnë tarifën e udhëtimit.

‘Po protestojmë për gjithçka! Qeverisë i thyhet zemra për Ukrainën, por për Shqipërinë dot i thyhet ndonjëherë.’- u shpreh një protestues.

‘Kemi dalë në protestë për shkak të rritjes së naftës. Duke qenë se studentët shumica vijnë nga Pogradeci e Bilishti dhe bileta është rritur. Protestojnë për uljen e çmimit, pasi studentët e kanë të pamundur që të përballojnë shpenzimet. Nuk kanë pasur mundësi as të paguajnë tarifën e transportit.’- tha një student.

Rritja e menjëhershme e çmimit të karburantit në vend ka nxitur qytetarët e Shkodrës që të shkojnë në shtetin fqinj në Malin e Zi për të mbushur karburant. Çmimi 1.4 euro për litër ka bërë që dy ditët e fundit të ketë një dyndje të automjeteve në radhë drejt Malit të Zi, të cilët siç shihet nga video kanë mbushur bidonat me naftë.

Këto janë pamjet që vijnë nga protesta e fermerëve në Lushnjë, të cilët po protestojnë kundër rritjes së çmimit të karburantit dhe të ushqimeve, teksa përplasen me policinë. Fermerët kanë çarë kordonin e policisë dhe më pas janë ulur këmbëkryq në mes të rrugës duke bllokuar qarkullimin e automjeteve.