Rrëzohet vendimi, varrezët private në Paskuqan nuk do të ndërtohen

TIRANE- Varrezët private në Paskuqan nuk do të ndërtohen. Ky ka qenë vendimi i marrë ditën e sotme në mbledhjen e qeverisë, duke shfuqizuar atë të vitit 2015.  Ndërkohë do të ngarkohen Ministria e Infrastrukturës dhe Energjisë Kombëtare e Planifikimit të Territorit dhe Agjencia Shtetërore e Kadastrës, Drejtoria Vendore Tiranë, për zbatimin e këtij vendimi. Ky ndryshim do të hyjë në fuqi menjëherë pas botimit në fletoren zyrtare.

Vendimi i plote

Shfuqizimin e vendimit nr.452, datë 27.5.2015, të Këshillit të Ministrave, “për ngritjen e varrezave private në njësinë administrative “paskuqan”, qarku tiranë”

Në mbështetje të nenit 100 të Kushtetutës dhe të nenit 113, të ligjit nr.44/2015, “Kodi i Procedurave Administrative të Republikës së Shqipërisë”, me propozimin e ministrit të Infrastrukturës dhe Energjisë, Këshilli i Ministrave

                                                                          V E N D O S I:

 1. Shfuqizimin e vendimit nr.452, datë 27.5.2015, të Këshillit të Ministrave, “Për ngritjen e varrezave private në njësinë administrative “Paskuqan”, Qarku Tiranë”.

2. Ngarkohen Ministria e Infrastrukturës dhe Energjisë, Agjencia Kombëtare e Planifikimit të Territorit dhe Agjencia Shtetërore e Kadastrës, Drejtoria Vendore Tiranë, për zbatimin e këtij vendimi.

Ky vendim hyn në fuqi menjëherë dhe botohet ne “Fletoren zyrtare”.

TAG:
• keshilli i ministrave