Ngritja e Komisionit të Posaçëm për anëtarët e KQZ-së, Ruçi letër partive: Sillni propozimet tuaja brenda 11 shtatorit

TIRANË- Konferenca e Kryetarëve është mbledhur këtë të hënë, para nisjes së seanës plenare. Në mbledhjen e sotme, kryeparlamentari Gramoz Ruçi ka kërkuar ngritjen e Komisionit të Posaçëm që do të zgjedhë 12 anëtarët e rinj të KQZ-së.

Në letrën që Report Tv disponon, Ruçi u kërkon grupeve parlamentare që të propozojnë anëtarët e KQZ-së së re, duke iu lënë afat deri në 9 shtator.

"I nderuar zoti Kryetar, Bazuar nënenin 17 pika 3 të ligjit nr.101/2020 “Për disa shtesa dhe ndryshime ne ligjin nr. 10019, datë 29.12.2008 “Kodi Zgjedhor i Republikës së Shqipërisë” i ndryshuar”, Kuvendi ka detyrimin për të ngritur komision tëposaҫëm parlamentar, me përfaqësim propocional nga cdo grup parlamentar, për shqyrtimin dhe përzgjedhjen e kanditaturave të paraqitura për vendin e Komisionerit, anëtarëve të Rregullatorit dhe të KAS-it. Ju bëj me dije se propozimin tuaj për anëtar në komisionin e posaҫëm duhet ta paraqitni pranë Kuvendit brenda datës 09.09.2020", shkruhet në letër. 

 

Letra e kreut të Kuvendit, Gramoz Ruçi

Letra i ka shkuar edhe opozitës jashtëparlamentare që ka humbur përfaqësimin e saj në parlament, e cila sipas ndryshimeve të bëra në kodin zgjedhor do të ketë përfaqësuesin e saj në këtë Komision të Posaçëm për ngritjen e KQZ-së së re. Letra që mban datën 4 shtator i ka shkuar kreut të PD-së, Lulzim Basha dhe kryetares së LSI-së, Monika Kryemadhi, të cilët do të kenë të drejtën e një përfaqësuesi në Komisionin e Posaçëm parlamentar që do të zgjedh anëtarët e KQZ-së  së re. Opozita jashtëparlamentare duhet të paraqesë propozimin e saj deri më 11 shtator, ndërsa sipas burimeve PD dhe LSI pritet të vendos këto dy ditë për emrin e përfaqësuesit që do të çojë në Komisionin e Posaçëm.

Përfaqësuesi i opozitës jashtëparlamentare do të marrë pjesë në procedurën e shqyrtimit dhe përzgjedhjes së kandidaturabe për organet drejtuese të KQZ-së.

Letra që Ruçi i ka dërguar Lulzim Bashës dhe Monika Kryemadhit

Ruçi u ka dërguar letër edhe 3 kryetarëve të grupeve parlamentare të opozitës në Kuvend, Myslim Murrizit, Nimet Musait dhe Edmond Stojku, për propozimin e 2 anëtarëve, të cilët do të jenë përfaqësuesit e tyre në Komisionin e Posaçëm Parlamentar për ngritjen e KQZ-së së re. Atyre u është lënë afat deri më 10 shtator që të paraqesin propozimet e tyre për 2 emrat e anëtarëve që do përfaqësojnë opozitën parlamentare në Komisionin e Posaçëm.

Letra e Ruçit për Myslim Murrizin Nimet Musain dhe Edmond Stojkun

Në mbledhjen e sotme Konferenca e Kryetarëve vendosi që seancat parlamentare do të zhvillohen me praninë fizike të deputetëve duke respektuar masat anti-covid, ndërsa është zgjatur orari i qëndrimit të tyre në sallën e Kuvendit ku nga 2 orë, seancat do të zhvillohen 4 orë. Gjithashtu në takimin online të Konferencës së Kryetareve u vendos që mbledhjet e këtij komisioni do të vijojnë të zhvillohen online në mënyrë që të parandalohet përhapja e COVID-19. 

Konferenca e  Kryetarëve miratoi gjatë mbledhjes së sotme programin e punës së Kuvendit për periudhën 7 shtator-16 tetor dhe kalendarin trejavor të punimeve për periudhën 7-25 shtator. Seanca  e radhës do të mbahet më 17 shtator, ku pritet të ngrihet edhe komisioni i posaçëm parlamentar për ngritjen e KQZ-së së re.

Në fund të gushtit Kuvendi i Shqipërisë shpalli garën për vendet e lira për KQZ e re dhe i la afat përfundimtar 18 shtatorin aplikantëve që duan të jenë pjesë e Komisionit të Zgjedhjeve të riformatuar me dakordësinë e palëve në marrëveshjen e 5 Qershorit, ndërkohë që 19 tetori duhet ta gjejë KQZ  me anëtarë të rinj.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

‘1 milion euro për dashni’, komedi tek ‘Eksperimentali’! ‘Marie Kraja’, 2 net spektakli në Opera! Nga Roland Tasho tek Stefano Romano, Tirana me ekspozita!

‘1 milion euro për dashni’, komedi tek ‘Eksperimentali’! ‘Marie Kraja’, 2 net spektakli në Opera! Nga Roland Tasho tek Stefano Romano, Tirana me ekspozita!