Disa persona mbahen peng në një dyqan në rajonin rus të Bryansk, kjo është skena e mëngjesit të sotëm të një sulmi nga një grup "diversantësh" të ardhur nga Ukraina. Këtë e raporton agjencia Tass, duke konfirmuar se “dy fshatra janë sulmuar nga diversantë: Lyubechane dhe Sushany” dhe se gjashtë civilë janë mbajtur peng në Lyubechane. Tass flet për "disa dhjetëra militantë të armatosur" dhe "përplasje" me forcat ruse.
Sipas Rusisë, grupi i "diversantëve ukrainas" dyshohet se ka kryer një bastisje në territorin rus, duke vrarë një person dhe duke plagosur një djalë 10-vjeçar. Kjo u bë e ditur nga guvernatori i rajonit Bryansk, i vendosur në kufirin me Ukrainën, në kanalin e tij Telegram. “
![](https://shqiptarja.com/template/img/NO_ALFA_Kuadrate shqiptarja.png)
"Diversantët nga Ukraina qëlluan mbi një makinë në lëvizje në fshatin Lyubechane në rrethin Klimovsky. Forcat e Armatosura të Federatës Ruse po marrin të gjitha masat e nevojshme për të eliminuar grupin e diversantëve”, tha Alexander Bogomaz, i cili theksoi gjithashtu se fëmija u dërgua në spital dhe po merr ndihmën e nevojshme.
Sipas Bogomazit, rrethi Klimovsky u sulmua nga Forcat e Armatosura të Ukrainës me një dron, “përplasja” e të cilit shkaktoi zjarr në një ndërtesë banimi në fshatin Sushany.
“Shërbimet operative dhe emergjente janë duke punuar në vendngjarje”, tha ai.
Lajmi kryesor:
Lufta/ Lavrov: Perëndimi po varros marrëveshjen e grurit! Dialog i shkurtër midis Blinken dhe ministrit të jashtëm rus në G20, i pari që nga fillimi i pushtimit rus
![](https://www.shqiptarja.com/template/img/sh_logo1.png)