Lojërat Olimpike në Paris janë pranë (26 korrik - 11 gusht 2024) dhe me këtë rast organizatorët kanë përgatitur saktësisht 5084 medalje që do t’u shpërndahen sportistëve më të mirë në botë.
Por, sa vlejnë financiarisht ato? Për çdo sportist, një medalje olimpike nuk ka çmim. Ato janë të shtrenjta edhe për koleksionistët, por vlera e tyre në fushën teknike nuk është aq e madhe. 'Gazzetta dello Sport' ka zbuluar tashmë se sa vlejnë teknikisht medaljet olimpike, nëse metalet do të shkriheshin.
Organizatorët e Lojërave Olimpike në Paris bënë 5084 kopje të medaljeve të arta, argjendta dhe bronzta që presin pronarët e tyre të rinj. Ajo që i ndan olimpistët e këtij viti nga e kaluara është fakti se në çdo medalje do të futet një copë hekuri nga Kulla Eifel.
Në çdo medalje do të përdoren 18 gram hekur nga Kulla Eifel dhe pjesët që janë përdorur gjatë restaurimeve të mëparshme do të përdoren, pra nuk do të hiqen nga ndërtesa aktuale. Medalja e artë peshon 529 gram, argjendi 525 gram dhe bronzi 455 gram.
Sa i përket medaljeve të arta, natyrisht, ato nuk janë plotësisht të arta. Vetëm në Lojërat Olimpike në vitet 1904, 1908 dhe 1912 medaljet u bënë tërësisht prej ari të pastër. Pas kësaj, Komiteti Olimpik Ndërkombëtar vendosi një normë që thotë se gjashtë gram ari të pastër shkojnë në medaljen e artë në Lojërat Olimpike. 523 gramët e mbetura të përdorura për medaljen e artë janë prej argjendi me një pastërti minimale prej 92.5 përqind.
Nëse do të shisje një medalje ari nga Parisi thjesht duke shkrirë metalin, do të merrje “vetëm” 700 euro. Me të njëjtin parim, po të shkrije metalet nga medalja e argjendtë, do të merrje 400 euro.
Gjëja më interesante është se vlera e medaljes së bronztë është shtatë euro. Është e qartë se aliazhi i përbërë nga bakri dhe zinku ka një vlerë të papërfillshme në treg në krahasim me arin dhe argjendin, por miliona sportistë do të jepnin gjithçka për të marrë në dorë atë medalje, e cila fizikisht vlen shtatë euro.
Lajme të tjera
-
VIDEO/ Skenë e shëmtuar në Tiranë, boksieri serb del në ring me këngën anti-shqiptare! Koçi e hedh 'K.O.'
23 Dhjetor, 08:44 -
BOKS/ Jurgen Uldedaj mbron titullin IBF, fiton me K.O. kundër rivalit boshnjak! Lezhjani mes më të mirëve të botës
21 Dhjetor, 16:59 -
Konferenca e Solidaritetit Islamik, Veliaj pret Sekretarin e ISSA-s dhe presidentin e KOKSH: Më shumë partneritet për sportin
20 Dhjetor, 14:45 -
Botërori i Peshëngritjes/ Shqipëria del pa medalje, në Bahrein garuan Calja, Qerimaj dhe Ramadani
11 Dhjetor, 12:13 -
Vendi i katërt në botë, Briken Calja 'shpërthen' pas garës: Trishtim, disa persona më hedhin poshtë djersën
10 Dhjetor, 08:56 -
Ishin parashikuar për sot, dështojnë zgjedhjet për kreun e Federatës Shqiptare të Atletikës! Akuza mes palëve
4 Dhjetor, 08:37 -
Basketboll/ Besëlidhja vendos diktatin te meshkujt, fiton ndeshjen e shtatë radhazi
3 Dhjetor, 14:44 -
Botërori i Skive/ Lara Colturi sërish në 'top 10', renditet e teta në Slalomin e SHBA-së! 18-vjeçarja: Po punoj për garën e radhës (VIDEO)
1 Dhjetor, 20:16 -
Shqipëria 'lahet në ar', Ernest Merdanaj dhe Ibrahim Hidri fitojnë në Kampionatin Ballkanik të taekwondosë në Rumani
30 Nëntor, 21:46 -
Botërori i Skive/ Lara Colturi zë vendin e 9-të në SHBA, i shton pikë Shqipërisë (VIDEO)
30 Nëntor, 20:19 -
Volejboll/ Partizani për meshkuj dhe Skënderaj për femra fitues të Kupës Pavarësia 2024
29 Nëntor, 10:32 -
Flamuri shqiptar për herë të parë në podiumin e Botërorit të Skive, Lara Colturi: Më erdhi të qaja, s'e prisja vendin e dytë
28 Nëntor, 10:38
