Saimir Tahiri regjistron emrin në rendin e ditës, a do të flasë sot në Kuvend?

Ish-ministri i Brendshëm Saimir Tahiri ka regjistruar emrin në rendin e ditës në seancën e sotme parlamentare dhe ka mundësi që ai të flasë sot në Kuvend.

Tahiri u pa të hynte në sallë në orën 10 e 24 minuta, në momentin kur fjalën e kishte kryetarja e LSI Monika Kryemadhi.

Ish-deputeti socialist, i cili tashmë është i pavarur, pasi PS-ja e hoqi nga grupi i saj, për shkak të hetimit që ka nisur Prokuroria ndja tij, për përfshirjen e mundshme në trafikun e drogës me bandën e Habilajve, ka një kohë të gjatë që nuk flet në publik.

Shfaqja e tij e fundit në Kuvend ishte në seancën e kaluar, kur Tahiri u paraqit pas rreth gjashtë muajsh, në mënyrë që të mos humbiste mandatin.

Një ditë më parë, Edi Rama, në praninë e Federica Mogherinit, deklaroi se qeveria është e gatshme të japë autorizimin për arrestimin e tij, në rast se prokuroria do të jepte qoftë një provë të vetme ndaj Tahirit.


Ish-minsitri Tahiri sot në kuvend

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

VIDEO/ Copëz pranvere çelur mes malesh në Bogë

VIDEO/ Copëz pranvere çelur mes malesh në Bogë