Sali Berisha angazhon familjen, ankohen se Basha po i përjashton mbështetësit: Po na heqin firmëtarët nga grupet e ' WhatsApp'

Sali Berisha

Ish-kreu i PD-së, Sali Berisha, duket se nuk po le 'gurë' pa lëvizur, për të çuar përpara 'kauzën' e tij për të hedhur poshtë vendimin e Lulzim Bashës për përjashtimin e tij nga grupi parlamentar i PD-së.

Në këtë 'betejë' ai ka angazhuar edhe familjen, të cilët po ashtu nuk i kanë kursyer sulmet ndaj Bashës. Së fundmi, dhëndri i tij, Jamarbër Malltezi është ankuar se mbështetësit e Berishës, ata që kanë firmosur formularin për thirrjen e Kuvendit, po largohen nga grupet e “WhatsApp”.

Sipas Malltezit, këtë gjë ka bërë kryetari i Degës Nr. 4 në Tiranë Ervin Goxhaj, i cili ka hequr nga grupi i  “WhatsApp” të gjithë anëtarët e Shtabit me të cilët ka punuar në zgjedhjet e 25 prillit dhe ka lënë vetëm veten dhe 2 persona.

 “Edhe ky hallexhiu raportonte mbështetje 95%. Kur mori vesh se 90% e degës kish firmos formularin për thirrjen e kuvendit, i hoqi të gjithë nga lista e mbajti vec dy vetë. Sot do raportojë se e ka mbështetjen 100% (tek ata dy veta por nuk ka ndonjë rëndësi ky teknikalitet). E bën për “të ruajtur unitetin e PD”, shkruan Malltezi.

Pas shpalljes 'non grata' të Berishës nga SHBA, Lulzim Basha mori vendimin për përjashtimin e tij nga grupi parlamentar i PD, duke nisur një 'luftë' mes tyre. Në Foltoren e tij, Berisha nuk i ka kursyer akuzat për Bashën, personin të cilin e futi vetë në politikë dhe i dha drejtimin e PD-së.

Foto e postuar nga Malltezi

J.SH./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Takimi i 7 mes dy qeverive Shqipëri-Kosovë dhe 16 marrëveshjet e nënshkruara i konsideroni:



×

Lajmi i fundit

John

Tre të vrarë nga sulmi ndaj autobusit, përfaqësuesit e BE në Kosovë: Të shokuar, autori të vihet përpara drejtësisë