Sali Berisha, i cili zakonisht ulet në vendin e Luciano Boçit në Kuvend, ditën e sotme zgjodhi që të kalonte në radhët e socialistëve duke ngjallur jo pak diskutime. Ndonëse Berisha u shpreh se e bëri me qëllim për të dhënë mesazhin se demokratët, ndryshe nga socialistët, përcjellin interesat e qytetarëve, deputeti demokrat, Ervin Salianji u shpreh se nuk donte të jepte një simbolikë, por thjesht po priste radhën për të folur.
Në një intervistë në emisionin ‘Kontrast’ në Report Tv me gazetarët Denis Minga dhe Lorenc Vangjeli, deputeti Salianji u shpreh se edhe nëse do të bënte Basha të njëjtin veprim, askush nuk do të surprizohej.
“Pavarësisht se ka dashur të japë një simbolizëm, mu duk sikur u ul diku ndërsa po priste fjalën. Ulet zakonisht tek vendi i Boçit, sot duke qenë se ishte aty dhe nuk kishte vend, u ul atje. Nuk e shoh me ndonjë simbolikë sesa një moment që në seancat parlamentare ndodhen. Kushdo që të ulej, nuk besoj se ish kryetari i partisë surprizonte”, tha Salianji.
Salianji komentoi edhe përçarjen e PD duke thënë se është e nevojshme që deputetët të mblidhen e të flasin me njëri-tjetrin, jo vetëm të bëjnë deklarata publike. Edhe më parë ka kërkuar bashkimin e PD, ndërsa sot theksoi se opozita nuk duhet t’i japë avantazh PS duke u shfaqur e përcarë në zgjedhjet lokale.
“Nuk besoj se kjo çështje ka nevojë për magji. Veçse flasin në publik, nuk flasin me njëri-tjetrin. Gjykata nuk e zgjidh çështjen, por zgjidhet vetëm duke u ulur me njëri-tjetrin dhe duke diskutuar pikat e përbashkëta. Po vijnë zgjedhjet lokale dhe duhet të kemi një kandidat të përbashkët dhe s’mund t’i japim avantazh PS duke u përçarë vetë”, tha Salianji.
Teksa kthehej mbrapa në zgjedhjet e 6 marsit dhe në kohën kur PD drejtohej nga Lulzim Basha, Salianji u shpreh se ishte tërësisht i stakuar në fushatë dhe nuk bëri asnjë takim, ndaj rezultati i dështimit ishte i pritshëm. Ndryshe nga ai, Berisha që kërkon të rikthehet sërish në krye të PD, bënte rreth 20 takime në ditë dhe përmes koalicionit ‘Shtëpia e Lirisë’ ia doli të marrë fitoren në bashkinë e Shkodrës. Megjithatë, Salianji vijon të mbetet i mendimit që PD mund të ketë zgjidhje vetëm kur të largohet edhe Berisha.
“Politika ka një gjë, që luhet në skenë dhe prapaskenë. Çdo tërheqje është hile. Nëse ka një taktikë që mendohet të ketë 2 parti, një parti tjetër e vogël që ta mbajë peng ish kryetarin dhe një parti e Berishës, nuk është zgjidhje. Jemi një grup deputetësh që mendojmë se rikthimi i Berishës e dëmton opozitën dhe kontributi i tij duhet të ishte gjatë gjithë kësaj kohe. Ishte një betejë jo e barabartë më 6 mars. PD e Bashës kishte avantazhe, por pësoi humbje. Në fushatë ishte thuajse i stakuar. Doli 2-3 herë. Po them disavantazhet e Berishës duke nisur nga mosha, non grata dhe mungesa e siglës, por bënte 20 takime në ditë, ndërsa ai asnjë. Ne i kërkuam dorëheqjen që të bashkohej PD, por kemi këtë situatë sot. Një njeri që mendon se mund të rikthehet sërish ku ka qenë dhe një pjesë tjetër që mendon se fitimtari ka të drejtë të bëjë gjithçka e të tjerët të nënshtrohen. Nëse nuk hiqet dorë nga kjo, s’ka zgjidhje”, tha Salianji.
Lajme të tjera
-
PD në Shkodër marshim protestë: Qytetërimi asht ma i fortë se krimi! Po na vrasin, duhet reagim! Kërkojnë lirimin e Berishës e qeveri teknike! (FOTO+VIDEO)
2 Nëntor, 12:10 -
Ervin Salianji letër nga burgu i përgjigjet Ramës: Më paracaktove dënimin! Je arkitekti i bashkerendimit të punëve me kriminelët për votën
2 Nëntor, 11:09 -
Toska zbulon në 'Studio Live': Basha do bashkohet me Berishën para zgjedhjeve! Haklaj: Nuk afrohet me non gratën! Ai po nis dhe Gaz Bardhin në burg
1 Nëntor, 21:03 -
Meta në burg, Alibeaj për Report Tv: U arrestua ish-presidenti, e çfarë pastaj, të gjithë para ligjit të barabartë! Berisha kërkon të shesë qeverinë teknike si karamele, i paaftë të fitojë zgjedhjet
1 Nëntor, 17:58 -
Në mitingje sulmojnë SHBA-të si të korruptuara, por në takime me të deleguarën e ambasadës deputetët e PD i shkojnë ‘me vrap’!
1 Nëntor, 12:42 -
Ylli Pata: Modeli ballkanik i partive të liderëve të burgosur
31 Tetor, 20:16
-
Atentati i Shkodrës/ Salianji letër nga qelia: Qeveria i shkel syrin kriminelëve për kalkulime elektorale! Ne do çmontojmë bandat dhe çdo pupac që i shërben atyre
31 Tetor, 17:25 -
Sali Berisha njofton datën e protestës së tretë: 'Mosbindja civile vijon të shtunën në Shkodër! Rama kërkon votat t'i sigurojë me Bajrët
31 Tetor, 13:34 -
Opozita vijon 'mosbindjen civile' në Kuvend! Të përjashtuarit përplasen me gardën, karriget jashtë, këmbëkryq në oborr! Të tjerë bllokojnë foltoren!
31 Tetor, 08:01 -
Berisha mori në mbrojtje Belerin, mbështetësit komentues e 'masakrojnë' në FB: Turp, ai është antishqiptar, po gërryeni PD-në me mbrojtjen e tij!
30 Tetor, 15:05 -
Ylli Pata: Pse PD e ka “harruar” Ilir Metën?
29 Tetor, 21:13
-
Jakin Marena: Berisha ‘lojë’ mes Metës e Kryemadhit dhe ‘koncidenca’ Durim Bami
29 Tetor, 20:41
