Samiti i NATO-s vitin e ardhshëm do të mbahet në Lituani

Samiti i ardhshëm i liderëve të NATO-s do të zhvillohet në Vilnius, Lituani më 11-12 korrik, deklaroi NATO të mërkurën.

Samiti do të mbahet për herë të parë në Lituani dhe do të fokusohet në "forcimin e mbrojtjes kolektive dhe parandalimit të Aleancës dhe në rritjen e mbështetjes për Ukrainën", sipas një njoftimi për shtyp të NATO-s.

“Pritet që Finlanda dhe Suedia të marrin pjesë në samitin si anëtarë të plotë të Aleancës për herë të parë në Vilnius”, deklaroi NATO.

LEXO EDHE:
Këshilli NATO-Ukrainë takohet lidhur me sistemet ajrore për Kievin

Finlanda dhe Suedia njoftuan të dyja synimin e tyre për t'u bashkuar me NATO-n në maj pas pushtimit rus të Ukrainës, në një ndryshim historik të politikës, pas dekadash mos-angazhimi ushtarak.

NATO zyrtarizoi ftesën e saj për të dy vendet më 29 korrik, pasi Turqia hoqi kundërshtimin e saj një muaj më parë duke hequr një pengesë të madhe që Finlanda dhe Suedia t'i bashkoheshin aleancës. Procesi i ratifikimit zakonisht zgjat rreth një vit, pasi parlamentet e të gjitha 30 vendeve individuale të NATO-s duhet të miratojnë anëtarë të rinj.

S.S/Shqiptarja.com

TAG:
• nato
• lituani