POP 5

Lajmet më të lexuara të 5 minutave të fundit

Kosova & Rajoni

Samiti i OSBE në Shkup, marrin pjesë Blinken dhe Lavrov! 1 mijë delegatë nga 57 vende anëtare e partnere

Nga sot në Maqedoninë e Veriut do të mbërrijnë 76 delegacione nga vendet anëtare e partnere për samitin e OSBE. Pjesë e punimeve që zyrtarisht nisin nesër, do të jetë dhe sekretari Blinken e ministri i jashtëm rus Lavrov, mes të cilëve nuk dihet ende nëse do të ketë takim.

Maqedonia e Veriut mirëpret nga kjo e mërkurë deri më 1 dhjetor mbledhjen e Këshillit të 30-të Ministror të OSBE-së që do të mbahet në Shkup me pjesëmarrjen e 1 mijë delegatëve.

Në ngjarjen më të madhe politike të organizuar që nga pavarësia marrin pjesë 76 delegacione nga 57 vende anëtare dhe shtete partnere të organizatës. Takimi do të shënojë praninë e diplomatëve të SHBA-së dhe Rusisë, Anthoni Blinken dhe Sergej Lavrov, një nga ngjarjet e rralla që do t’i gjejë të dy në të njëjtin vend që nga fillimi i pushtimit rus në Ukrainë, në shkurt të vitit 2022.

Edhe pse nuk ka asnjë njoftim për një takim Blinken-Lavrov, analistët nuk përjashtojnë mundësinë e bisedimeve për një zgjidhje të mundshme të konfliktit në Ukrainë. Blinken do ta nisë vizitën me një takim dypalësh me ministrin e Punëve të Jashtme dhe kryesues i OSBE-së, Bujar Osmani.

Për ardhjen e shefit të diplomacisë së Federatës Ruse Lavrov, Maqedonia e Veriut dhe Bullgaria përkohësisht i pezulluan sanksionet e vendosura nga BE-ja për fluturimet e avionëve rusë për shkak të agresionit rus të Ukrainës. Pas pranisë së konfirmuar të Lavrovit, forumin vendosën ta bojkotojnë ministrat e Punëve të Jashtme të Ukrainës, Dmitri Kuleba dhe të vendeve baltike – Estonia, Letonia e Lituania.

Në takimin ministror priten vendime për zgjedhjen e kryesuesit për vitin 2024.

Zyrtarisht forumi do të jetë i hapur nesër më orën 10.00 në Qendrën sportive “Boris Trajkovski” e cila është shndërruar dhe përgatitur për Takimin Ministror.

Në ditën e parë është planifikuar nënshkrimi i deklaratës së përbashkët për luftën kundër korrupsionit në Evropën Juglindore përmes kthimit të pronave dhe përdorimit të digjitalizimit, e cila do të pasohet nga adresimi i ndikimit të ndryshimeve klimatike në sigurinë njerëzore në zonën OSBE.

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën

Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën

24 Nëntor, 11:35