Zelensky mbërrin në Tiranë, pritet nga ministrat Hasani e Spiropali! Shoqërohet nga eskorta me rreth 35 mjete e automjete

Tirana mirëpret për herë të parë një Samit më datë 28 shkurt, dedikuar tërësisht Ukrainës, vetëm disa ditë nga dy vjetori i nisjes së agresionit rus në Kiev.  Avioni i presidentit ukrainas, Volodymyr Zelensky u ul në aeroportin e Rinasit në orën 23:00 të mbrëmjes së kësaj të marte, 27 shkurt. Ai u prit nga ministri i Jashtëm, Igli Hasani dhe ministrja Elisa Spiropali dhe ambasadori i Ukrainës në Tiranë Shkurov.

'Një moment kyç për nxitjen e marrëdhënieve dypalëshe solidaritet me Ukrainën në luftën e saj heroike kundër agresionit të Rusisë' e cilësoi ministri i jashtëm Igli Hasani.

Zelensky u shoqërua nga Rinasi për në Tiranë nga një eskortë me rreth 35 mjete dhe automjete. Për shkak të sigurisë së lartë të kësaj vizite Forcat Operacionale, RENEA, Forcat e Sigurisë Kombëtare dhe Policia e Tiranës janë në gatishmëri.

Më datë 29 shkurt, do të vijohet me një tjetër samit, atë të Ballkanit Perëndimor ku do të marrin pjesë liderët e 6 vendeve të rajonit. Fokusi i këtij takimi do të jetë tek plani i rritjes ekonomike për vendet e Ballkanit Perëndimor dhe rruga drejt integrimit europian.

1709072050_zelenski.png

Foto: Momenti kur Presidenti i Ukrainës zbret në aeroport 

 

Rendit zhvillimet sipas orarit:
Ora 23:04
Zelensky vjen në Tiranë, në aeroportin "Nënë Tereza' e pret ministri Hasani e ambasadori ukrainas

 

Presidenti i Ukrainës, Volodymyr Zelensky zbriti në aeroportin Nënë Tereza rreth orës 23:00 të mbrëmjes së sotme.

Ministri i Jashtëm Igli Hasani i uroi mirëseardhjen presidentit të Ukrainës, Volodymyr Zelensky. 

‘Nder i madh për të pritur Presidentin Zelensky në Tiranë’ shkruan ministri duke shtuar ‘Një moment kyç për nxitjen e lidhjeve dypalëshe dhe qëndrimin në solidaritet me Ukrainën në luftën e saj heroike kundër agresionit të Rusisë.

Zelensky u prit dhe nga ambasadori i Ukrainës, Volodymyr Shkurov dhe ministrja e shtetit, Elisa Spiropali

 

Ora 21:42
Në prag të mbërritjes së Zelensky-t në Rinas, dhjetëra makina nisen për ta pritur në aeroport

 

Pak orë nga para se presidenti i Ukrainës, Volodymyr Zelensky të zbresë në Aeroportin e Rinasit, janë bërë të gjitha përgatitjet për pritjen dhe sigurinë e tij. Një kolonë prej dhjetëra makinash policie janë nisur drejt aeroportit ku Zelensky pritet të zbresë rreth orës 24:00. 

Ora 15:42
Liderët e Ballkanit Perëndimor vijnë në Tiranë më 29 shkurt, zbardhet axhenda e samitit

1709045106_ballkaniperendimor.jpg

Më 29 shkurt, kryeqyteti do të presë liderët e Ballkanit Perëndimorë, në një samit me fokus integrimin e Ballkanit Perëndimor drejt Bashkimit Evropian, si edhe zbatimin e Planit të Rritjes Ekonomike.

Në këtë samit do të jetë i pranishëm Komisioneri i Bashkimit Evropian për Zgjerimin dhe Fqinjësinë, Oliver Varhelyi. Report Tv ka siguruar axhendën.

AXHENDA E PLOTË

28 shkurt

-Ora 19.00- Darka e shtruar nga kryeministri Rama për nder të drejtuesve të Ballkanit Perëndimor dhe Komisionerit Várhelyi

-Darka për delegacionet zyrtare

29 shkurt

Ora 9.30-9.45- Mirëseardhja nga Kryeministri Rama

Vendi: Pallati i Kongreseve

9.45-10.0- Fjala e hapjes Kryeministri Rama dhe Komisioneri Várhelyi

10.00-10.45- Paneli I: Hyrja në Tregun e Përbashkët

10.50- Foto Familjare

10.45-11.00- Pushim për kafe

11.00-11.45- Paneli II: Plani i rritjes

Ora 11.45-11.50- Konkluzione të dhëna nga Kryeministri Rama

12.00-12.30- Ceremonia e Nënshkrimit të Marrëveshjes

Ministrja e Arsimit dhe Sportit, Ogerta Manastirlliu, Rektori i Universitetit të Tiranës, Artan Hoxha dhe Rektorja e Kolegjit të Evropës, Federica Mogherini, në prani të kryeministrit Edi Rama dhe komisionerit Olivér Várhelyi.

Vendi: Kati i nëndheshëm i Pallatit të Kongreseve

Ora 12.30-13.15- Konferencë për shtyp e kryeministrit Rama dhe komisionerit Várhelyi

M.Q./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • vlonjati: 28/02/2024 11:14

    Iris, nuk eshte se ata kane shprese nga ndihma jone por jemi ne qe shpresojme nga ata ndermjet politikes se shoifur qe bejme.

    Përgjigju
  • Iris: 28/02/2024 02:43

    Samit pa vlere,por kur je i deshperuar dhe ne veshtiresi, do te kerkosh ndihme nga kushdo.Cfare ndihme monetare,apo militariste mund te presesh nga vende te tilla si Moldavia,Shqiperia,Kosova,Maqedonia,Bosnja,Kroacia,vende qe jane komplet te keputura,apo nga nje si Serbia qe luan me dy porta?! Sikur te merrnin pjese fizikisht dhe perfaqesues nga Greqia,Bullgaria,Rumania,Turqia do te ishte me i plote e me i suksesshem.

    Përgjigju
  • E verteta: 27/02/2024 23:59

    Tani shpetuam. Nuk do kete me korupsion, do ulen cmimet, pensionet do rriten,ligji do jete i barabarte per te gjithe dhe oligarket do i kthejne mbrapsht pasurite dhe parate qe ju ka bere qeveria. Rrofte lideri global qe ja mberritem kesaj dite.

    Përgjigju
  • Nani: 27/02/2024 09:50

    Do vije ky cocainomani qe vrau nje popull te gjithe per interesat e padroneve anglo-amerikane . Te njejtin fund do te bejme dhe ne si popull nese vazhdojme nen perendimoret , te perdorin per interesa dhe kur nuk ju duhesh te flakin vk

    Përgjigju
    • Alb: 27/02/2024 20:41

      Te bllokosh tiranen per kete fiismidhjen

    • Qytetar: 27/02/2024 10:43

      Po ruset dhe kinezet cfare te bejne kur nuk u duhesh me? Do emigroje ne Rusi ose ne Kine me familjen? E di ç‘te bejne atje te besh komente kritike online per qeverine? K… ne bige te fusin.

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?



×

Lajmi i fundit

Nutricionistja Gerta Veliu për ‘Klinika 24’: Si duhen bindur fëmijët e vegjël që të hanë të gjitha ushqimet? Ja shembulli i Norvegjisë

Nutricionistja Gerta Veliu për ‘Klinika 24’: Si duhen bindur fëmijët e vegjël që të hanë të gjitha ushqimet? Ja shembulli i Norvegjisë