Pas 16 vitesh në fuqi ligji “Për Rezervat Materiale të Shtetit’, do të shfuqizohet për t’i lënë rrugë një plani të ri.
Në draftin e ri të hedhur në Konsultim Publik thuhet se rol me rëndësi në planifikimin e rezervës materiale do të ketë edhe numri i popullsisë dhe lëvizjet demografike.
“Shpërndarjen territoriale të rezervave materiale të shtetit – planifikimin e shpërndarjes së rezervës materiale në strukturat e vartësisë, bazuar në numrin e popullsisë, riskun e prekjes së popullsisë së një territori të caktuar nga situata që sjellin nevojën për furnizim”, thuhet në relacionin e projektligjit.
Duke qenë popullsia e vendit nga viti 2008 deri në vitin 2023 ka rënë me afro 200 mijë banor, edhe përllogaritja e sasisë dhe nevojës për mallra rezervë do të varet nga popullsia. Për të bërë planifikimin e ri, ndihmë do të jenë edhe rezultatet e CENS-it të popullsisë që do publikohen këtë muaj.
Numri i popullsisë do të jetë vendimtar edhe për kufirin minimal dhe maksimal të rezervës shtetërore.
“Sasia minimale e mallrave, sipas llojit, do të vlerësohet sasia që duhet të jetë gjithnjë në gjendje për nevoja të furnizimit në raste të situatave të gjendjes së luftës, gjendjes së jashtëzakonshme, fatkeqësisë natyrore apo fatkeqësive të tjera, veprimeve terroriste. Për përcaktimin e këtij limiti sasior do të merren në konsideratë lëvizjes demografike dhe shpërndarja e popullsisë”, thuhet në relacion.
Në projektligj është theksuar që për të menaxhuar situatat e jashtëzakonshme apo gjendjet luftës do të ngrihet ‘Struktura e posaçme’, për menaxhimin e situatave të gjendjes se luftës dhe akteve të ndryshme terroriste, të gjendjes së jashtëzakonshme, të fatkeqësive natyrore apo fatkeqësive të tjera.
Po ashtu do të miratohet edhe ‘Plani Strategjik Afatmesëm i Rezervave Materiale të Shtetit’ i cili është dokumenti bazë i planifikimit dhe zhvillimit të rezervave materiale të shtetit, të vendvendosjes, infrastruktura magazinuese, sistemi i sigurisë të rezervave materiale të shtetit. Ky plan miratohet me vendim të Këshillit të Ministrave dhe rishikohet çdo 3 vjet.
Ndryshe nga ligji i vjetër i cili do të shfuqizohet pasi të hyjë në fuqi drafti i propozuar, fondet për krijimin, plotësimin dhe administrimin e rezervave materiale të shtetit nuk do të përballohen nga buxheti i shtetit, por edhe nga donacionet apo burime të tjera të ligjshme siç është bashkëpunimi me privatin.
Po ashtu sqarohet që rezerva do të përdoret edhe për nevojat e pushtetit vendor.
“Drejtoria e Përgjithshme e Rezervave Materiale të Shtetit vlerëson dhe shpërndan mallra rezervë shteti me kërkesë të prefektit të qarkut, në situatat e emergjencave civile vendore apo emergjenca civile rajonale, ku të përcaktohet lloji i fatkeqësisë, përmbledhje e situatës emergjente aktuale, duke shprehur dhe pamundësinë e pushtetit lokal në mbështetjen e popullsisë, si dhe listën e nevojave për mbështetje”, thuhet në pikën 2 të nenit 7 të projektligjit.
Lajme të tjera
-
Komisioni i Ligjeve miraton nismën për Forcën Rezerviste, ministri Vëngu: Synojmë rreth 2100 deri në vitin 2030! Rezervistë edhe në diasporë, misione jashtë vendit
26 Nëntor, 16:36
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Moti i keq, Ministria e Mbrojtjes: Situata është qetësuar dhe po shkon drejt normalizimit
22 Nëntor, 19:02 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Vendimi i Qeverisë/ Zgjatet afati për shqyrtimin e kërkesave të Startup-eve, nga 10 bëhet 30 ditë!
20 Nëntor, 22:40 -
Vendimi i Këshillit të Ministrave/ Rikonstruksioni i linjës 110 kV Ballsh-Marinëz dhe Ballsh–Drenovë, miratohet fondi për shpronësimin e pronarëve
20 Nëntor, 22:14 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
‘Urban Operation 24’, Toga e Këmbësorisë mbyll me sukses stërvitjen në Bullgari, Vengu: Dëshmi e investimit në ushtri, angazhim për paqe dhe stabilitet bashkë me NATO-n (VIDEO)
17 Nëntor, 16:04 -
Stërvitja 'SAR RESPONSE 2024', Ministria e Mbrojtjes: Përgjigjje efektive ndaj çdo emergjence duke siguruar mbrojtjen e jetës
15 Nëntor, 10:36 -
“Në 2025, 2 avionë për zjarret dhe stërvitje!” Xhaferraj përplasje me ministrin e Mbrojtjes në kuvend
11 Nëntor, 17:07
-
Komisioni i Sigurisë/ Vengu: Do ringremë flotën ajrore, investime në blerje avionësh si për stërvitje pilotësh, ashtu edhe për emergjenca civile
11 Nëntor, 15:46 -
Projektligji i Qeverisë, rreth 2100 ish-ushtarakë dhe civilë, me mundësinë për t’u bërë rezervistë! Drafti në Kuvend, kostoja 1,5 mld lekë (DOKUMENTI)
6 Nëntor, 22:35
