Sassuolo-n frikëson Interin deri në ekstrem, por zikaltërit rikthehen te fitoret me 'zemër në dorë'

Inter ka marrë një fitore me zemër në dorë këtë javë të Seria A pavarësisht se kundër Sasuolo-s ziklatërit realizuan katër herë. Në Mapei stadium 90 minutat u mbyllën me shifrat 3-4, por ekipi i drejtuar nga Conte edhe pse në një moment udhëhiqte 1-4 rrezikoi shumë për të mos dalë me pikë të plota.

Për të parë golin e parë u deshën vetëm 2 minuta, pasi Lautaro Martinez zhbllokoi me një goditje mjaft të bukur në hyrje të zonës. Ky rezultat nuk zgjati shumë, pasi një interist i deklaruar si berardi barazoi shifrat. Gjithsesi tentativat e interit do shpërbleheshin në minutën e 38 kur Lukaku nga brenda zonës do të bente gjithçka mirë. Pa kaluar shumë belgu do të realizonte edhe nga pika e bardhë e penalltisë, duke i dërguar shifrat në 1-3.

Pjesën e dytë Interi e nisi ashtu siç mbylli të parën, duke rrezikuar portën e Consigli-t. Gjithsesi për të parë golin e katërt duhej të pritej minuta e 71 kur Barella fitoi një penallti e cila u kthye në gol nga Martinez. Çuditërisht Sassuolo nuk u dorëzua dhe vetëm pak çaste më pas i dërgoi shifrat në 2-4. Një gol që i dha mjaft zemër ekipit, që falë shpërthimit të Boga-s realizoi edhe të tretin. Në minutat në vijim Sassuolo u përpoq t’I jepte një tjetër udhë sfidës, por koha  e mbetur në dispozicion ishte e pakët.

Në këtë mënyrë Interi rikthehet te fitoret pas humbjes me Juventusin, e cila nga ana tjetër të shtunën mposhti 2-1 Bologna-n. Pas 8 ndeshjesh bardhezinjtë udhëheqin ‘Seria A’ me 22 pikë, 1 më shumë se Interi i vendit të dytë.

Ne.k./Shqiptarja.com

TAG:
• Inter
• Sassuolo