Scholz: Ndërprerja e energjisë ruse do të na rrënonte ekonominë! Shkëputja nga varësia ka filluar, por duhet kohë

Një ndalim i menjëhershëm i importeve ruse të energjisë do të shkaktonte një recesion ekonomik në Gjermani dhe në mbarë Evropën, paralajmëroi kancelari gjerman Olaf Scholz.

Duke folur në Bundestag, Scholz tha se Gjermania do t'i jepte fund varësisë së saj energjetike nga Rusia në kohën e duhur, por ndërprerja e të gjitha lidhjeve tani do të godiste ekonominë gjermane të papërgatitur.

"Ne do t'i japim fund kësaj varësie nga nafta, qymyri dhe gazit rus sa më shpejt që të mundemi, por ta bëjmë këtë nga një ditë në tjetrën do të thotë të zhysim vendin tonë dhe të gjithë Europën në një recesion”, tha kancelari, ndërsa shtoi se qindra vende pune do të viheshin në rrezik, industri të tëra do të viheshin në prag të kolapsit.

"E vërteta është se sanksionet që janë vendosur tashmë kanë goditur rëndë shumë qytetarë, dhe jo vetëm për sa i përket gazit”, tha Scholz, duke argumentuar se sanksionet nuk duhet të godasin vendet evropiane më shumë se udhëheqja ruse.

Kjo deklaratë e Scholz, vjen pasi shumë vende evropiane, veçanërisht ato të lindjes, kanë marrë masa drastike ndaj importeve ruse të energjisë si pasojë e luftës në Ukrainë.

Gjatë fjalës së tij kancelari gjerman theksoi faktin se largimi nga varësia energjetike ka filluar.

"Në afat të shkurtër, ne po sigurojmë burime shtesë të gazit, naftës dhe qymyrit ... Ne po diversifikojmë burimet tona të furnizimit, tashmë në muajt e ardhshëm. Duke bërë këtë, ne po ndërtojmë terminalet ekzistuese të gazit natyror të lëngshëm në Evropën bregun perëndimor, dhe ne do të ndërtojmë terminalet tona LNG shumë më shpejt se sa kemi deri më tani”, u shpreh ai.

Lajmi kryesor:

Vritet një gazetare ruse në Kiev! Zelensky-Biden: Jo sanksione për Abramovich, ai mund të ndërmjetësojë! Putin-Europës: Nëse doni gaz, paguani vetëm me rubla

J.GJ./K.T./Shqiptarja.com

TAG:
• ukraine
• Rusi
• rusia sulmon ukrainen