TIRANË, 5 Mars / ATSH / - Agjencia Kombëtare e Bregdetit, në seriozitetin e punës së saj për menaxhimin sa më mire të vijës detare shqiptare në sezonin e ardhshëm turistik, sjell një tjetër ide në ndihmë të pushuesve dhe turistëve që vizitojnë vendin tonë: paisjen e vijës bregdetare me  një sinjalistikë  orientuese. Kjo do të jetë një tjetër risi në plazhet tona për t'u bërë konkurent në rrjetin vendpushimeve verore në vijën bregdetare të Adriatikut dhe Jonit. Kjo Agjensi shpeshëherë  ka organizuar disa takime rajonale me homologët e saj në Ballkan, për shkëmbimin e eksperiencave në administrimin sa më mirë  dhe  me efektivitet të plazheve në vijat bregdetare. /a.ke/