Selenicë, Rama: Në 18 muaj kemi
treguar se ne jemi drejtimi i duhu

SELENICE - Kryeministri Rama ka prezantuar kandidatët e majtë për këshillin bashkiak në Selenicë bashkë me deputetë të zonës dhe kandidatin për kryetar të kësaj bashkie Kasëm Cenaj.

Në fjalën e tij para banorëve të Selenicës, Rama tha se në 18 muaj janë bërë reforma rrënjësore, duke theksuar se këto reforma janë i vetmi drejtim i duhur.

Rama deklaroi se këto zgjedhje janë për familjet dhe jo për partitë, duke i quajtur ‘mrekullira’ premtimet e opozitës që sipas tij nuk kanë lidhje me drejtimin e bashkive.
“Kemi dhënë prova se jemi në drejtimin e duhur. 18 muaj me reforma rrënjësore. Reformat janë i vetmi drejtim i duhur. Këto zgjedhje janë për familjet, jo për partitë. Aleanca jonë për të transformuar Shqipërinë. SHQUP-­i bën një fushatë, flet për çfarëdo lloj gjërash që nuk kanë lidhje me bashkinë. SHQUP-­i flet për mrekullira, të njëjtat mrekullira që mendonte se po i bënte para 23 qershorit dhe tani ka dalë me grepa ku të gjejnë budallenj. Këta e çuan Shqipërinë në buzë të greminës. Punë dhe dinjitet thonë, punë kur lanë 1 mln të papunë, dinjitet kur e zhytën Shqipërinë në borxhe. Lavdi popullit që më 23 qershor i përcolli aty ku e kanë vendin se do e kishin marrë Shqipërinë më qafë”, tha Rama.

Kryeministri e quajti reformën territoriale-­administrative historike dhe premtoi se Selenica do të kthehet në një zonë inter­urbane. “Reforma territoriale-­administrative reformë historike. Erdhëm për sot në këtë takim, kishim vajtur më shpejt në Londër se sa erdhëm nga Vlora. Selenica do të kthehet në një zonë inter­urbane. Do të hapim një epokë të re për Selenicën, dhe për të gjithë fshatrat e lumit të Vlorës. Do të ndërthurim turizmin me fshatin. Do të mbështesim me një projekt kombëtar, prodhimet e fshatit. Më vjen pak çudi se si mund të gjenden budallenj këtu në Vlorë që të votojnë SHQUPIN. Pa gratë, burrat e humbin drejtimin vazhdimisht. Gratë janë garancia që shtëpia të shkojë në drejtimin e duhur”, u shpreh Rama.

Redaksia online
(f.m/shqiptarja.com)