Parapërgatitjet për udhëtim kërkojnë kohë dhe kujdes të veçantë. Përveç biletës dhe pashaportës që janë kritere të domosdoshme, nisjes për udhëtim i nevojiten një serë sendesh që e plotësojnë bagazhin e dorës dhe shtojnë komoditetin personal.

udhetimi
  1. Mjetet e para të nevojshme janë një jastëk me fryrje dhe një maskë për sytë. Këto shërbejnë sidomos për orët e gjata të udhëtimit dhe për një gjumë të qetë, por jo vetëm.
  2. Tapat për veshë. Shpeshherë një bebe që qan është terrori i shumë pasagjerëve. Mund të përdoren dhe kufjet me muzikën e preferuar.
  3. Nga nisja deri në mbërritje ka gjithmonë ndryshime klimaterike dhe për këtë duhet të jemi të përgatitur. Një shall është zgjidhja e duhur ose të paktën xhaketa të mbahet në dorë.
  4. Libri është gjithmonë i lejueshëm dhe përpara nisjes ja vlen të kalohet më parë nga qoshku i revistave dhe guidave që ofrojnë aeroportet. Mbi të gjitha hartat që ndihmojnë ata që udhëtojnë për biznes.
  5. Disa produkte kozmetike të lehta do t’i shërbenin akoma më shumë udhëtimit. Përveç deodorantit dhe furçës së dhëmbëve, disa kremra hidratues bëjnë punë pasi lartësia është vrasëse për tharjen e lëkurës.
  6. Disa produkte është vështirë të gjenden me të mbërritur në pikëmbërritje, prandaj është mirë të merren me vete. Përshembull lëngu i lenteve të kontaktit ose gjëra të tjera personale.
  7. Çorapet që ndihmojnë qarkullimin nga ngjeshja e ajrit janë aleat i mirë i udhëtimit. Gjenden edhe në aeroport.
  8. Udhëtimi duhet parë shpeshherë si piknik i vogël, ndaj nuk duhet të mungojë asnjëherë ushqimi juaj i dashur i mbledhur mirë në letër i shoqëruar me një shishe ujë të blerë nga aeroporti, sidomos në rastet e udhëtimeve gjatë natës ku personeli mund të mos kalojë për shërbim.
  9. Humbja e çantës përkohësisht ose ku i dihet përgithmonë… ndodh jo rrallë. Pakot e vogla dhe me vlerë mund të mbahen më mirë në çantën e dorës për t’i shpëtuar incidenteve.
  10. Në bagazhin e dorës sigurisht që mund të përfshihen sendet tona të çmuara si disku me këngët e preferuara, dhurata e personit që do të vizitoni, mbulesa e vogël prej pëllushi i bebes tuaj, etj.
udhetimi

Redaksia Online
(g.m/shqiptarja.com)