ITALI - Serie A e futbollit mbylli këtë të diel raundin e dytë me katër ndeshjet e planifikuara. Befasi në Milano, aty ku Interi u mposht 1-2 nga Udinese. Juventusi fitoi 0-1 në Genoa, ndërsa Lazio i shënoi katër gola Veronës në ‘Olimpico’.

Juventusi fiton në udhëtim

Juventusi ka vazhduar serinë e fitoreve në Serie A, duke mposhtur Genoan me rezultatin minimal 0-1. Takimi nisi me ritëm të ulët, me vendasit që mbyllën mirë hapësirat dhe vështirësuan sulmet e “Zonjës së Vjetër”.

Megjithatë, gjithçka u vendos në minutën e 73-të, kur Dusan Vlahovic shënoi me kokë golin e vetëm të ndeshjes, duke i siguruar tri pikë të vlefshme bardhezinjve.

Kjo ishte fitorja e dytë radhazi për Juventusin, pas triumfit 2-0 ndaj Parmës në javën e parë. Pas pushimit për ndeshjet e kombëtareve, Juvja do të presë Interin në Torino për javën e tretë.

Humbja e Interit 1-2 kundër Udineses

Interi ka pësuar humbjen e parë këtë edicion në Serie A, pasi u përmbys në “San Siro” nga Udinese me rezultatin 1-2.

Zikaltërit e nisën mirë takimin dhe kaluan në epërsi në minutën e 17-të, kur Denzel Dumfries shënoi në portën e zbrazët për 1-0. Më pas gabimi i vetë Dumfries solli kthesën. Në minutën e 29-të ai shkaktoi penallti, të cilën Keinan Davis e shndërroi në gol për barazimin 1-1.

Vetëm pak minuta më vonë, në të 40-n, Arthur Atta shënoi një gol të bukur, duke i dhënë epërsinë Udineses, e cila arriti ta ruante rezultatin deri në fund.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Mars, 13:11

    Qeveria rikthen Bordin për naftën, a besoni se do mbahen çmimet nën kontroll?

Lajme të tjera