Serie A e futbollit në Itali është në raundin e 26-të. Këtë të shtunë në Torino ekipi i Juventusit u mposht 0-2 nga Como, me miqtë që shënuan me Mërgim Vojvodën dhe Maxence Caqueret. Kjo ishte humbja e tretë radhazi për Juven në harkun e një jave.

Pas disfatës 3-2 kundër Interit në kampionat, apo edhe asaj 5-2 në mesjavë kundër Galatasarayt në Champions League, sërish të besuarit e Spallettit zhgënjyen në fushë para tifozëve të vet.

Sfida në Torino u zhbllokua nga shqiptari Mërgim Vojvoda pas 11 minutave lojë. Një veprim i bukur nga mbrojtësi i Kosovës dhe e majta e fortë bënë që Di Gregorio mos reagonte në portë. Më pas Como goditi edhe traun e portës duke dominuar pjesën e parë.

Fraksioni i dytë pritej ndryshe për të zotët e shtëpisë, por fusha tregoi tjetër gjë. Maxence Caqueret dërgoi sferën në rrjetë pas një kundërsulmi 'vrasës' të Comos në minutën e 61-të.

Shansi më i mirë për Juven erdhi në fundin e ndeshjes kur Koopmeiners goditi shtyllën. Tanimë Juvja lë pas tre humbje dhe në mesjavë pret Galatasarayn në shtëpi për ndeshjen e kthimit në play-off-in e Champions League. Ndërkohë që në Serie A Juvja luan kundër Romës fundjavën që vjen, një tjetër përballje direkte për vendin e katërt.

Pas duelit të sotëm Juventusi mbetet në vendin e pestë me 46 pikë, ndërsa Como ndjek me 45 pikë e renditur një pozitë më poshtë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Shkurt, 08:56

    A është vlerësim për Shqipërinë pjesëmarrja në Bordin e Paqes?

Lajme të tjera