Këtë të martë (20 tetor) u shënua një tjetër rritje e numrit të të infektuarve me koronavirus. Gjatë 24 orëve të fundit në vendin tonë u shënuan 301 raste të reja nga 1407 testime të kryera në të gjithë vendin.
Rastet pozitive të konfirmuara në 24 orët e fundit janë identifikuar në këto bashki: 144 raste në Tiranë, 30 raste në Korçë, 27 raste në Fier, 26 raste në Vlorë, 12 raste në Berat, 10 raste në Elbasan, 7 raste në Durrës, 6 raste në Gramsh, 5 raste në Patos, 4 raste në Kavajë, 3 raste në Dibër, Roskovec, 2 raste në Shkodër, Devoll, Has, Mallakastër, Sarandë, Tepelenë, Klos, Skrapar, Ura, Vajgurore, 1 rast në Krujë, Kamëz, Gjirokastër, Pogradec, Bulqizë, Memaliaj.
Fatkeqësisht betejën me pandeminë e kanë humbur 4 persona duke e çuar numrin total të viktimave në 458. Personat që kanë humbur betejën me COVID19, një 56 vjeçare nga Fieri, një 60 vjeçare nga Lezha, një 69 vjeçare nga Tirana dhe një 73 vjeçar nga Korça.
Aktualisht në spitalin Infektiv dhe “Shefqet Ndroqi” po trajtohen 255 pacientë, 22 në terapi intensive nga të cilët 5 pacientë janë të intubuar.
COVID-19 – Statistika (20 Tetor 2020)
Raste të reja ditore 301
Të shëruar ne 24 orë 58
Humbje jete në 24 orë 4
Testime ditore 1407
Testime totale 110,189
Raste pozitive 17651
Raste të shëruara 10225
Raste Aktive 6968
Humbje jete 458
Shpërndarja gjeografike e rasteve aktive sipas qarqeve:
Tiranë 3430
Durrës 700
Shkodër 473
Fier 444
Korçë 432
Lezhë 349
Elbasan 293
Vlorë 270
Berat 215
Kukës 176
Dibër 91
Gjirokastër 86
Ditën e sotme në Kuçovë dhe në Berat u regjistruan 18 raste të reja me koronavirus. Në Kuçovë, 3 prej të infektuarve ishin punonjës të bashkisë ndërsa janë infektuar dhe 3 mësues në gjimnaze.
Aktualisht nuk dihet nëse vijon puna në këto dy institucione teksa personat e infektuar janë karantinuar menjëherë.
Ndërkohë në Berat prej të infektuarve, janë prekur 2 punonjës të OShEE-së si dhe një edukatore e kopshtit "Llambrini Kule".
Në anën tjetër në Skrapar janë infektuar me COVID-19 një polic në komisariat, një mësues dhe një shofer administrate.
Sot janë konfirmuar 26 raste me Covid në Vlorë.
4 janë sanitare dhe edukatore ne kopsht privat. E infektuar është 1 laborante në një laborator privat, një i infektuar në një zyrë avokatie, një te posta, 7 pensionistë, 6 në biznese private, 4 studentë dhe një qytetar.
Rastet janë të shpërndara në disa lagje të cilat vijonë si më poshtë:
5 te lagjja 29 Nëntori; 4 te lagjja 28 Nëntori; 3 në Novoselë; 3 në Selenicë; 3 te lagjja Kushtrimi; 2 te lagjja Isa Bloetini; 4 te lagjja Pavaresia; 2 te uji ftohtë.
Ditën e sotme në Korçë u regjistruan 30 raste të reja me koronavirus. Në rastet e raportuara nga Ministria e Shëndetësisë, rezultojnë të infektuar 2 mësues në Korçë dhe 1 mësues në Maliq si dhe një pedagog në Universitetin Fan Noli.
Nuk dihet nëse mesuesit e infektuar japin mësim në shkollat 9-vjeçare apo në të mesme.
Ndërsa mësohet se pritet zëvendësimi i tyre me të tjerë mësues nga portali deri në negativizimin e mësuesve të infektuar.
Këtë të martë në të gjithë vendin u raportuan 301 raste të reja dhe 4 viktima në 24 orët e fundit.
Me hapjen e shkollave shumë mësues e nxënës në të gjithë vendin janë infektuar me koronavirus.
Aktualisht, 130 mësues mungojnë çdo ditë në shkollat e vendit për shkak të pandemisë. Gjithashtu edhe 60 fëmijë janë në karantinë.
Kjo pasi disa prej tyre janë janë infektuar me koronavirus ndërsa të tjerë janë kontakte të personave të infektuar.
Mbyllet si masë sigurie kopshti publik nr.3 në Fier pasi një pjesëtare e stafit ka dalë pozitive me Covid 19. Gazetari Kristaq Thano raporton se ISHSH në Fier i ka vënë drynin kopshtit në fjalë duke dërguar në shtëpi fëmijë, edukatore e gjithë personelin ndihmës, pasi një sanitare e tij ka rezultuar pozitive ndaj Covid-19.
Stafi i kopshtit, me drekë, ka njoftuar këtë të martë prindërit që të shkojnë e të marrin fëmijët e tyre, pas daljes së përgjigjes së tamponit të njërës prej sanitareve të kopshtit, e cila ka rezultuar pozitive ndaj virusit.
Menjëherë ka nisur hetimi epidemiologjik i rastit në fjalë, duke marrë të gjitha kontaktet e personit të prekur nga covid, ndërsa kjo e fundit është vetëkarantinuar.
Fatmirësisht, deri më tani asnjë fëmijë apo pjesëtar tjetër i stafit nuk ka paraqitur simptoma të koronavirusit, e kjo mbyllje e kopshtit, për një javë, është bërë si masë sigurie. Ambientet e kopshtit janë dezinfektuar, dhe ky proces do të kryhet çdo ditë.
Në Pogradec është mbyllur kopshti "Persefoni Treni" në lagjen nr 2. Shkak përhapja e Covid-19 në personel. Para një jave rezultuan pozitiv 2 sanitare, ndërsa ditën e djeshme kanë rezultuar pozitiv 4 edukatore. Kopshti është mbyllur dhe janë nënshtruar tamponin edhe pjesës tjetër të stafit.
Kopshti ka 14 edukatore nga të cilat 4 prej tyre kanë dalë pozitive.
Për shkak të infektimit të edukatoreve dhe punonjësve me COVID -19, 4 kopshte janë mbyllur ditën e sotme, konkretisht një në Tiranë, një në Vlorë, një në Fier dhe një në Pogradec.
Në të 4 kopshtet e mbyllura janë infektuar 7 edukatore dhe 6 sanitare, ndërsa pjesës tjetër të stafit të këtyre kopshteve të mbyllura po u bëhet tamponi.
Shifrat me COVID-19 në vend tonë po rriten ndjeshëm, ndërsa thirrjet e autoriteteve janë të shpeshta që të respektohen masat anti-covid në mënyrë që të shmanget një mbyllje e dytë e vendit.
Komente
Lajme të tjera
-
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58 -
Ekonomia e shqiptare, 'Moody-s': Me perspektivë të qëndrueshme! Ulja e borxhit, klima e biznesit me ecuri pozitive! Rrezik, importi i energjisë dhe PPP-të
1 Dhjetor 2022, 19:15
-
17 raste të reja nga 395 testime të kryera në vend! Asnjë humbje jete dhe 6 të shëruar në 24 orët e fundit
1 Dhjetor 2022, 18:26 -
Turizmi në Shqipëri, mbi 6.7 milionë të huaj për 10 muajt e parë të vitit! Ja nga cilat shtete ka rritje më të madhe të turistëve
1 Dhjetor 2022, 16:40 -
Situata Covid-19 në vend! 5 raste të reja dhe asnjë humbje jete në 24 orët e fundit
30 Nëntor 2022, 18:00 -
Raporti i OKB: Shqipëria me rritjen më të madhe të turistëve të huaj në 7 muajt e parë të 2022, krahasuar me 2019-n! Turizmi po tejkalon ndikimet e COVID-19
28 Nëntor 2022, 15:13 -
6 të infektuar nga 381 testime të kryera! Asnjë humbje jete dhe 14 të shëruar! Situata Covid-19 në vend në 24 orët e fundit
26 Nëntor 2022, 18:06 -
Asnjë humbje jete dhe 11 persona të infektuar në të gjithë vendin! Situata Covid-19 gjatë 24 orëve të fundit
23 Nëntor 2022, 17:29
mylle me prap trrijm rehat se kshu si po vje koha ma mir pa lek se i vdek...
Përgjigju