POP 5

Lajmet më të lexuara të 5 minutave të fundit

Sociale

Sezoni turistik/ Pushimet do kushtojnë më shtrenjtë këtë vit në Vlorë, operatorët turistikë: Nuk është surprizë, rrjedhojë e rritjes së çmimeve

Këtë vit pushimet do të kushtojnë më shtrenjtë në Vlorë, por rritja e çmimeve duket se nuk ka ndikuar në prenotime, ku vihet re trend rritës i turistëve të huaj sidomos gjermanë e norvegjezë. Kronika na njeh edhe me problematikat sidomos sa i përket vonesave për vendosjen e shezlongëve dhe mungesën e pastërtisë në plazhet publike.

Në Lungomare, bregdeti është pastruar dhe kanë mbërritur pushuesit e parë, por shezlongët ende nuk janë vendosur. Operatorët turistike tregojnë se vonesat janë krijuar nga burokracitë në bashki për ndarjen e hapësirës së rërës si dhe nga rritja e çmimeve në tregun e shumicës.

"Ne kemi aplikuar tek e-albania dhe na është kthyer përgjigje në kohë, por ka pasur vonesa nga bashkia", Armando Mishgjoni, operator turistik.

"Ka ndikuar rritja e çmimeve që ka ndikuar në vonesat për hapjen e çadrave dhe shezlongëve, na u desh kohë për të gjetur ofertën më të mirë", Dionis Sota, operator turistik.

Jo vetëm shezlongët, pushuesit do të paguajnë më shtrenjtë në restorante e hotele si efekt zinxhir i rritjes së çmimeve të naftës e produkteve ushqimore.

"Rritja e çmimeve nuk është surprizë, është fakt është rritur çdo gjë. Vaji i lulediellit ka shkuar në 4 mijë lek", tha  Dionis Sota operator turistik.

Por duket se kjo nuk ka ndikuar në rezervime, pasi vihet re trendi i turistëve të huaj gjermanë e norvegjez.

"Kosova është e zellshme dhe kanë prenotuar permes agjencive, por edhe familje nga Maqedonia e Veriut. Kemi punë, rezervime nga gjermanët e suedezët, por dhe Norvegjia që është risi për këtë sezon".

Ndryshe është panorama në plazhin e vjetër, ku vendasit ankohen se mungon pastërtia.

"Emergjencë janë tualet publike, na kushton 2 mijë lek për të shkuar në banjo, nëpër lokale. Ne duam të ketë më shumë plazhe publike", thanë ata.  

SI.E./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Te kemi shnetin: 31/05/2022 02:18

    Kete vit nuk do kete kembe turisti,,,,SITUATA po perkeqsohet shpejt ne te gjithe europen.....RUSIA E BERI EUROPEN TE FLASE ME VETE........

    Përgjigju
  • Qobani: 18/05/2022 23:12

    Athua more vlla sa peshon djersa e punëtorit, siq po doket npraktik vajtust spo ngopën edhe detin kta e shterrin,hej o ju gurbetgjit bani gajret qoni para vajtust jan të lodhun prej sefas,prap i kan lan arat batallë,po ju pëlqen buka e huaj,kan nevoj për rrezitje dhe plazh,gati jan me hy në shishe,na duhen me zhvillu industrin, jeta po vazhdon për të gjithë

    Përgjigju
  • Sondazhi i ditës:

    Vrasja e policit, a rrezikon të përshkallëzohet konflikti Kosovë-Serbi?

Lajme të tjera



×

Lajmi i fundit

Lista Serbe shpall tre ditë zie për sulmuesit serbë të vrarë

Lista Serbe shpall tre ditë zie për sulmuesit serbë të vrarë

26 Shtator, 10:03