Ministrja e Arsimit, Sportit dhe Rinisë, Besa Shahini, duke folur mbi angazhimet e qeverisë për të garantuar një vit shkollor cilësor, ka deklaruar se fokus mbetet rritja e vazhdueshme e standardeve arsimore në vend. “Ambicien e kemi çdo vit e më të lartë. Kemi vendosur që tek aftësitë bazë te nxënësit të ndërtojmë edhe aftësinë digjitale. Është një sfidë, jo vetëm për Shqipërinë, por për të gjithë rajonin , si të përgatisim nxënësit tanë për një të ardhme digjitale,” u shpreh ministrja Shahini në një intervistë në ERTV.
Ajo shtoi se këtë vit janë regjistruar gjithsej 480 mijë nxënës në të gjithë arsimin parauniversitar, numër pak më i ulët se ai i një viti më parë, por kjo, sipas saj vjen për shkak të rënies së lindshmërisë dhe nuk është vetëm fenomen shqiptar.
“Numri këtë vit është paksa më i vogël se vitin e kaluar, por nga viti në vit kemi një rënie të numrit të nxënësve nëpër shkolla, gjatë të gjithë 15-vjeçarit të fundit, me një ritëm nga 10-15 mijë nxënës më pak në vit. Kjo ndodh për shkak të rënies së lindshmërisë dhe nuk është vetëm fenomen shqiptar, por ndodh në të gjithë rajonin tonë,” u shpreh ajo.
Duke u ndalur në nismën më të rëndësishme të qeverisë sa i takon arsimit parauniversitar që është zbatuar me sukses për të dytin vit radhazi, atë të librave falas, ministrja tha se synimi është që brenda vitit 2021 të gjithë nxënësit e arsimit të detyrueshëm të pajisen me tekste shkollore falas.
“Sivjet kemi një numër shumë më të madh nxënësish të përfshirë në nismën e teksteve falas. Vitin e kaluar kemi përfshirë të gjithë nxënësit e klasave nga I – IV. Sivjet kemi përfshirë dhe klasën e pestë, duke mbuluar totalisht nxënësit e arsimit fillor, si dhe nxënës që kanë nevojë për ndihmë nga shteti, nxënës me aftësi të kufizuara, që vijnë nga familje me asistencë sociale, apo dhe komunitete minoritare. Ne kemi arritur të kthejmë mbrapsht e të ripërdorim rreth 85% të librave të vitit të kaluar. Kjo do të thotë që, nëse vazhdojmë me këtë ritëm të kujdesit për librat, do arrijmë të përfshijmë edhe vite të tjera të shkollës së arsimit parauniversitar në nismën e librave falas. Synimi për vitin 2021, të përfshijmë të gjitha klasat, nga I – IX, pra i gjithë arsimi i detyrueshëm të jetë i mbuluar plotësisht nga buxheti i shtetit me libra falas,” deklaroi ministrja Shahini.
Ministrja tha se edhe numri i mësuesve ndihmës në shkolla ka ardhur në rritje, duke arritur që sot të ketë 1 mijë mësues ndihmës në sistem. Për sa i përket infrastrukturës në shkolla Shahini theksoi se kriter prioritar kanë qenë shkollat me numër të lartë nxënësish ku janë kryer ndërhyrje për rikonstruksionin e godinave, si dhe ambienteve të brendshme që kanë transformuar këto institucione.
Komente
Lajme të tjera
-
TikTok do mbyllet për 1 vit në Shqipëri, Rama: Rrugaçëri, promovon dhunë e krim! Institut për fëmijët në konflikt me ligjin
21 Dhjetor, 13:17 -
Kuvendi/ PS kalon ligjin, anulohen gjobat për ndërtime pa leje, dhe të AKU në fshat! Rrëzohet amendamenti i PD-së, s'falen faturat e prapambetura të ujit e dritave
19 Dhjetor, 17:31 -
Rama largon zv/ministren e Arsimit Nina Guga e zëvendëson me Orjana Osmanin drejtoreshë në gjimnazin 'Petro Nini'
18 Dhjetor, 17:52 -
Akuza dhe dyshime për manipulim zgjedhjesh në atletikë, protagonistët mbledhje në Ministrinë e Arsimit dhe Sportit
28 Nëntor, 16:05
-
Vrasja e Martinit/ PD kërkon interpelancë me Manastirliun: Ngjarje e paralajmëruar, Paketa e Sigurisë propagandë
26 Nëntor, 15:34 -
Protestë për vrasjen e Martinit para Ministrisë së Arsimit, kërkohet dorëheqja e ministres! I pranishëm babai e gjyshi i 14-vjeçarit: Drejtësi deri në fund
25 Nëntor, 17:07 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
VIDEOLAJM/ ‘Ik, zhduku’, kush i provokoi nga brenda Ministrisë së Arsimit qytetarët që po protestonin për vrasjen e Martin Canit
21 Nëntor, 16:36 -
Futi në kurth arsimin, dërgohet për gjykim 20-vjeçari që ngriti skemën e mashtrimit me bursa studimi në SHBA! Hiqej si zyrtar i ambasadës, dha 19 certifikata false për nxënës e mësues
20 Nëntor, 13:44 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
O ministre leshi.... ku jeton ti se ne librat po i blejm dhe me shtrenjte se cduhet... se jan ne 10 vende te ndryshme.... prandaj mos fol per libra falas se duket sikur tall trapin me gazetaret qe te degjojn dhe ste legenosin
Përgjigju