Akuzat e opozitës ndaj ministres së Arsimit duke iu drejtuar shpesh dhe shprehjen "Kthehu prej nga ke ardhur", ka revoltuar Besa Shahini duke thënë se këto deklarata po nxisin anti-shqiptarizmin dhe është një shprehje raciste. Shahini shpreh keqardhjen se këto shprehje i ka dëgjuar edhe nga maturantët në protestat e tyre duke thënë se kjo është e rrezikshme për brezat e rinj që të mbillet sentiment anti- shqiptar dhe se nuk do e lejojë një gjë të tillë.
"Nuk e kam kuptuar kurrë se si disa përfaqësues të opozitës – deputetë të dorëhequr dhe në shërbim, këshilltarë dhe ish-këshilltarë – bashkë me portalet e tyre, ia kanë lejuar vetes të më kritikojnë prejardhjen dhe dialektin, duke shfaqur përçmim ndaj shqiptarëve që flasin si unë dhe në veçanti ndaj kosovarëve. Të thuhet “Kthehu prej nga ke ardhur!” ka qenë e papranueshme gjithmonë, por t’i thuhet një shqiptari me prejardhje nga Kosova në 2020-ën, është skandaloze! Ky sentiment anti-shqiptar, gati racist i disa opozitarëve, është në mospërputhje të plotë me realitetin e një shkëmbimi dhe bashkëveprimi serioz të bashkëkombasve tanë në të gjithë rajonin. Qytetarët e Shqipërisë ndajnë të njëjtin gëzim që kam edhe unë për faktin se shqiptarët janë sot më të bashkuar se kurrë, një prej dëshmive të së cilit është padyshim edhe prezenca e ministrave me prejardhje nga Kosova në qeverinë e Republikës së Shqipërisë. E shoh të arsyeshme të reagoj tani, sepse në protestat e fundit të stisura nga opozita kundër provimeve kombëtare, dëgjova edhe disa të rinj duke artikuluar frazën e ulët “Kthehu prej nga ke ardhur!”. Është tejet e rrezikshme për të ardhmen e popullit tonë nëse mbjellim sentiment anti-shqiptar tek të rinjtë. Tani, unë nuk mendoj se opozita është seriozisht anti-shqiptare. Ajo është thjesht e dëshpëruar nga mungesa e përkrahjes popullore dhe mungesa e argumenteve kundër qeverisjes së PS në arsim. Ata janë të vetëdijshëm se përderisa me qeverisjen e tyre kanë jetësuar dhe mundësuar shitblerjen e diplomave fallco, nuk kanë argumente të kritikojnë standardin që po kërkojmë ne në arsimin e lartë. Partia që ka shitur vendet e punës për mësuesit nuk ka fytyrë të kritikojë depolitizimin e punësimit të mësuesve përmes portalit “Mësues për Shqipërinë”. Partia, e cila përmes “altertekstit” ka çoroditur totalisht shkollat shqiptare për gati një dekadë – dëmi i të cilit po merr edhe një dekadë shtesë të riparohet – nuk ka se si të kritikojë politikën e librave falas nga botuesit më të mirë botërorë, që po u jepen tashmë falas 2/3 e nxënësve të arsimit parauniversitar. Nga frustrimi i mungesës së argumenteve reale kanë vendosur të reduktojnë gjithë kritikën e tyre në krijimin e “tjetrit” – në këtë rast, ministri që flet ndryshe nga disa prej tyre – dhe ftesës për ta urryer atë. Kritikat ndaj qeverisjes janë legjitime dhe unë do të mbroj të drejtën e të rinjve për të protestuar. Por, nuk guxojmë të lejojmë që opozita të helmojë mendjet e brezave të rinj me anti-shqiptarizëm vetëm e vetëm sepse nuk kanë argumente reale kundër punës sime. Në fund, dëshpërimi i opozitës është problem ekskluzivisht i tyre dhe nuk duhet të lejojmë që të na çojë drejt një rruge të rrezikshme të përçarjes kombëtare", tha Shahini.
Në mbrojtje të Ministres së Arsimit ka dalë edhe Sandër Lleshaj që thekson se këtë reagim e bën si qytetar jo si ministër. Lleshaj shkruan se Shahini nuk është përgjegjëse për situatën e arsimit, as për provimet e maturës dhe më pak për prejardhjen e saj nga Kosova.
Sipas Lleshajt, Besa sulmohet se është një rast ndryshe, pasi nuk ka studiuar në universitetet tona të shumta, nuk ka qenë studente apo shoqe e ndokujt që bërtet, nuk është nga Tirana, tingëllon pak gegnisht kur flet, vjen nga Kosova dhe për Lleshajn këto janë të vetmet “mëkatet” e saj.
‘Ju, ithtarë, viktima dhe autorë të një sistemi të dështuar, heshtni! Mos e kërkoni tek Besa fajin për dështimin tuaj. Si kosovare, ajo është po aq, në mos edhe më shumë, shqiptare se ju; si e diplomuar në Europë, ajo është edhe më e mirëarsimuar se ju. Dhe mbi të gjitha: si një grua që nuk ju shan, ajo ka më shumë dinjitet se ju. Bëhuni pra burra dhe heshtni! P. S. Këtë shënim e bëj në cilësinë e një qytetari dhe jo në atë të ministrit’, shkruan Lleshaj.
Statusi i plotë i ministrit Lleshaj
"Për Besën! Janë bashkuar shumë “burra” kundër Besa Shahinit. Duket se këta i bashkon më shumë një zell i turpshëm kundër Besës sa ndonjë shqetësim i sinqertë për arsimin shqiptar, për gjendjen e të cilit ata janë përgjegjës shumë herë më tepër sesa Besa.
Besa sulmohet se është një rast ndryshe. Ajo nuk ka studiuar në ndonjë nga universitetet tona të shumta, nuk ka qenë studente apo shoqe e ndokujt që bërtet, nuk është nga Tirana, tingëllon pak gegnisht kur flet, vjen nga Kosova.... Vetëm këto janë “mëkatet” e saj.
Ajo nuk ka pasur kohë për ta prishur cilësinë e shkollës tonë. Ajo nuk ka mundur ende as t’a rregullojë atë.
Kush kupton sadopak nga arsimi e di mirë se efekti i politikave të reja në arsim nuk mund të merret për një apo dy vjet.
Të gjithë ata skizofrenë që shajnë Besën për provimin e Maturës Shtetërore, duhet ta dinë se atë nuk e ka formuluar ajo, por studentët që kanë dalë nga shkollat që Besa ka pasur fatin të mos i bëjë.
Ato teste i kanë bërë studentët e atyre që bërtasin dhe që janë gati të fajësojnë gjithë botën për cilësinë e produktit të tyre.
E vetmja gjë që ka arritur të bëjë Besa, gjatë muajve të ushtrimit të detyrës së saj, është përpjekja për pak modernizim në një sistem të shkatërruar gjatë tri dekadave.
Një sistem ku “profesorët” ulërijnë dhe shajnë pa kurrëfare etike, ndërkohë që kanë marrë paga nga universitetet kioska pasi kanë firmosur me mijëra diploma pa vlerë, të cilat ngjajnë më shumë me mandatet e pasurisë që lëshonte Sudja e piramidave sesa me diplomat normale të universitetit.
Ata që kanë heshtur përpara gjëmës së bërë kundër arsimit me universitetet piramida, ata që i kanë kthyer universitetet ku punojnë në hane ku edhe analfabetet pretendojnë për notë maksimale dhe ku nuk mbetet askush, ata që e kanë katandisur universitetin në fund të listave të renditjes botërore nuk mund të gjejnë asnjë alibi tek Besa.
Është fat që ajo është ndryshe edhe në formim edhe në nivel nga autorët e gjendjes së sotme të arsimit.
Është fat që ajo po përpiqet për një impuls modernizues në një sistem të mbështetur tek indoktrinimi, ku studentët trajnohen vetëm për të përsëritur, por kurrë për të menduar.
Besa kërkon një shkollë ku nxënësit dhe studentët mësojnë si të mendojnë dhe jo çfarë të mendojnë, një shkollë që frymëzon dhe jo një shkollë që indoktrinon.
Ju, ithtarë, viktima dhe autorë të një sistemi të dështuar, heshtni! Mos e kërkoni tek Besa fajin për dështimin tuaj.
Si kosovare, ajo është po aq, në mos edhe më shumë, shqiptare se ju; si e diplomuar në Europë, ajo është edhe më e mirëarsimuar se ju.
Dhe mbi të gjitha: si një grua që nuk ju shan, ajo ka më shumë dinjitet se ju. Bëhuni pra burra dhe heshtni!
P. S. Këtë shënim e bëj në cilësinë e një qytetari dhe jo në atë të ministrit.
Komente
Lajme të tjera
-
‘Dy vite mësim me turne, fëmijët vijnë në shtëpi natën!’ Protesta në Golem të Lushnjes nxjerr në pah propagandën për ‘rilindjen e shkollës’
19 Nëntor, 08:38
-
Edi Rama: 100 - 150 euro bonus për pensionet në fundvit, marrin edhe në pranverë! Qylymat fluturues të Sudes e Rrapushëve tregojnë një tufë përrallash (Fjala e plotë në Parlament)
18 Nëntor, 14:48
-
Protestat e dhunshme në Itali, plagosen 15 policë, reagon Meloni: E papranueshme
15 Nëntor, 17:11 -
‘Hetimori’ i Shëndetësisë, Zhupa për Report Tv: Të pyeten Rama e Vilma Nushi! Ndreca: Show politik, të dëshmojë Beqaj
14 Nëntor, 00:55 -
Pensionistët dhe Lëvizja Bashkë protestë te Kryeministria: Hiqni dorë nga korrupsioni, që të na rritet pensioni!
12 Nëntor, 12:23 -
Alban Daci: Më mirë vetëm se i keq shoqëruar
10 Nëntor, 22:19
-
Pjesëmarrja e opozitës në Kuvend, Evis Kushi në Report Tv: Kuptuan se me dhunë dhe djegie karrigesh nuk arrijnë asgjë! Ja cilat janë ristë e platformës ‘Deputeti që duam’
8 Nëntor, 15:53 -
Nis puna për shkollën e re ‘Pjetër Budi’, Veliaj sulmon opozitën: Ata djegin goma e bllokojnë rrugët, ne ndërtojmë shkolla
4 Nëntor, 12:54 -
Përfaqësuesit e opozitës shqiptare në SHBA pranë Republikanëve! Deputetët Vokshi dhe Mediu ndjekin fushatën presidenciale dhe të Kongresit në Kaliforni
3 Nëntor, 17:43 -
Berisha mori në mbrojtje Belerin, mbështetësit komentues e 'masakrojnë' në FB: Turp, ai është antishqiptar, po gërryeni PD-në me mbrojtjen e tij!
30 Tetor, 15:05 -
Mero Baze: Opozita duhet të gjej udhëheqës të tjerë, jo popull tjetër
30 Tetor, 07:22
-
Protesta e opozitës/ Meta mesazh nga qelia: Mirënjohje për qindra-mijëra shqiptarë, nuk ka forcë që e ndal uraganin e lirisë!
29 Tetor, 22:18
Heren e ardhshme mire kishte me qene me gjete nje Serb per Minister te Mbrojtjes dhe nje Grek per Minister te Puneve te Brendshme edhe nje Turk per Minister Kulture.
PërgjigjuEh more zoteri LLeshi shyqyr qe dole o njeri i "mesuar@" e na shpetove nga kjo sekelldi , ku na kane futur te djathtet -se sigurisht per keta e ke hallin ti dhe te tjere si ti--sepse me ate ftohtesi prej akulli qe ke ti , nukse te behet von as per z Shahini e as per soin e sorollopin e saj . Por ti nukse e ke hallin vetem me politikanet e djathte , por per gjithe popullin e perkrahes te politikave te djathta .Pra kerkon me anen e zonjs Shahini te ndersesh gjysmen e popullsise se majt , kundes gjysmes se popullsise qe shef djathtas . Pra !zoteri i nderuar me nje sjellie djallezisht te persosur , kerkon te hedhesh ; te gjithe , kunder te gjitheve . Zoti na ruajt nese te shkon djallezia .
Përgjigjuo minister po qar ma shqiqptare se na mar burr se gjysa e tyne e ma shum sjena shqiptar hiq thojn po kta jan rraca ma e pabes e shqiptari se ka zakon pabesin
PërgjigjuAman o Kol meso te shkruash shqip. U be kokrra e shpellarit t'i quaje kosovaret "rraca ma e pabes"!
O Besa e kishim me shqipen e provimit ne se sa për shqipen tënde është e fisme në një gojë tjetër që di të pranojë gabimet e di të kërkojë falje. Ju dy vjet do jeni ministre se aq zgjasin këtu, problemi është që me shqipen tuaj mua dhe shumë të tjerëve mund t'i digjet e ardhmja dhe një që ka hedhur bingo të bëhet ministër si ju pas 15 vitesh
PërgjigjuKeni të drejtë zonja ministre, ato deklarata janë raciste, diskriminatore ndaj njërit dialekt dhe shqiptarëve përtej kufijve.
PërgjigjuPRAPE GABIM NE TE FOLUR E I BESES KETU NUK BEHET FJALE PER RACIZEM. BESA ESHTE RRACE SHQIPETARI KETU ESHTE FJALA PER PRONONCIM TE DREJTE TE GJUHES SHQIPE E KESHILLOJ BESEN TE LEXOJE EQEREM CABEJN
PërgjigjuO Faslli! Koncepti i racizmit eshte shume me i gjere sesa e kupton ti. Ka filluar si percmim i racave tjera, por sot perfshin percmimin e cdo lloji per shkak te njerezve ndryshe, madje racizem eshte edhe supremacia e elitave shqiptare ndaj punetoreve shqiptare.
Po ti Faslli nga emri dukesh që e ke merak shqipen me shume se Besa
Kete here te vetme kane folur drejt. Ik nga ke erdhur. Ka plot intelektuale Shqiperia, me eksperience dhe dije, qe e bejne shume mire punen se ti. Arsimi ka degraduar dhe po vazhdon te degradoje per fajin tend dhe te shefit tend !!!
PërgjigjuNuk thuhet "nga ke erdhur", por "nga ke ardhur". Shqiperia dhe Kosova jane plot analfabete si puna jote. Por, Shqiperia dhe Kosova gjithashtu kane plot intelektuale klasi qe e nderojne atdheun gjithkund ne bote. Besa ka pasaporte shqiptare dhe eshte me gjak shqiptar. Ik futja nje racion kernacka me qepe e raki!
Shqipja juaj korigjohet por injoranca e opozites JO.
Përgjigjufiks
Z besa jeni shume E embel nga paraqitja po ti duhet te studjosh mire drejteshkrimin DHE drejtshqiptimin qe NE shqiperi u mbajt nje konference per drejtshkrimin DHE drejtshqiptimin
PërgjigjuO Ermal, po si eshte e mundur qe ne nje fjali te vetme, pa pike e pa presje, te besh gjithe ato gabime drejtshkrimore? Sa vjet shkolle ke kryer o bir?
Kur degjon ata te oppozites te vjen per te vjelle me Shqipen e tyne, lere qe nuk shihen me sy fytyra idiotesh injorantesh etj.
PërgjigjuNga kokpalaret e d-e-opozites merziteni ju zj ministre apo nga brilanti i matematikes z. Basha apo nga dixhitali Sahli abez abdyl fatah.Gjithe llumi shqiptar ka nje emer Depozita,keta jane dembelat e Shqiperise qe nuk figurojne si deputet dhe paguhen.Mos te mendoj z.Rama se ju a hedh dot BE,me keto tolerime qe paguan PD e LSI qe nuk figurojne si deputete,dhe keto leke jane nga taksat e popullit drita uje ku si regull duhen 24 ore pa nderprerje sepse taksen e merr te plote.KARAGJOZA POLITIKANE TRADHETARET E SHQIPERISE.
PërgjigjuKtheu e ca se!!!! Po s‘ke faj ti fajin e ka ky kaqoli 2 metrosh qe kemi qe s‘ka kosovar pa u morr me te. Si thojn kosovaret per ne?... te miren jau degjofshim e syte mos jau pafshim....kjo vlen edhe per ty prandaj ktheu nga ke ardhe se si ty kena boll ne shqiperi
PërgjigjuNdoshta ke te drejte sepse ne Kosove ekziston ky fenomen. Ata kane shume me teper se neve nevoje per kuadro, por nga Shqiperia nuk marrin ne institucionet e tyre mediokre. Por sidoqofte nuk ja vlen te biem ne ate nivel. Ne nuk duhet te diskriminojme shqiptaret, pavaresisht nga vine. Meritokracia duhet te jete parimi udheheqes dhe kjo vajze e meriton 1000%.
Ky eshte turp. Ne mungese te argumentave, i sulen personit. Miresevini ne shekullin e 15-te!
PërgjigjuKe te drejte zonja Shahini! Por nuk bejne me pak plehrat ne Kosove ne funksion te percarjes, me lloje-lloje shpifjesh, insinuatash, konspiracionesh e akuzash kunder Qeverise shqiptare e Shqiperise. Plehrat e dy aneve jane te koordinuar e te bashkuar ne poshtersite e tyre! Pyetja shtrohet: -Kujt i sherbejne, cili eshte qellimi/objektivi i tyre?!
PërgjigjuTurpi I madh I opozites shqiptare. Ne te gjith jemi shqiptar.kjo grua eshte shqiptare dhe me shqipetare se keta antishqiptaret e PD dhe LSI.turp.skandal
PërgjigjuEshte shume e drejte ajo qe thote dhe po aq e turpshme. Pasi e kane quajtur krenari qe kryetarja e kuvendit te flase me dialekt sulmi ndaj ministres eshte absolutisht racizem i paster