SHBA arsyeton veton ndaj Rezolutës së OKB-së për armëpushim në Gazë

SHBA arsyeton veton ndaj Rezolutës së OKB-së për armëpushim në Gazë

Antony Blinken

Mes kritikave në rritje, Shtetet e Bashkuara mbrojtën dje qëndrimin e tyre për mbështetjen e vazhdueshme të operacionit ushtarak të Izraelit në Gazë. Por po ashtu, siç njofton korrespondentja e Zërit të Amerikës, Veronica Balderas, Uashingtoni ritheksoi rëndësinë e mbrojtjes së civilëve palestinezë.

Kryeministri izraelit Benjamin Netanyahu e cilësoi përparimin e trupave të tij në Gazë si “të fuqishëm dhe të intensifikuar”.

“Synimi është të arrijmë të gjitha objektivat tona – shkatërrimin e Hamasit, kthimin e të gjithë të rrëmbyerve tanë dhe premtimin se Gaza nuk do të jetë më kurrë kërcënim për Izraelin”, tha ai.

Zoti Netanyahu falenderoi Shtetet e Bashkkuara për përdorimin e vetos ndaj një Rezolute të Këshillit të Sigurimit të OKB-së javën e kaluar, që do të kërkonte një armëpushim të menjëhershëm.

Sekretari amerikan i Shtetit, Antony Blinken arsyetoi vendimin në një intervistë për emisionin “Këtë Javë” të rrjetit ABC.

“Me Hamasin gjallë, të paprekur, me qëllimin e deklaruar për ta ripërsëritur sulmin e 7 tetorit, kjo thjesht do ta përjetësonte problemin”, tha zoti Blinken.

Ndërsa theksoi rëndësinë e mbështetjes dhe dërgimit të armëve të nevojshme për mbrojtjen e Izraelit, ai e bëri të qartë se ndihma nuk vjen pa kushte.

“Rregullat vlejnë për Izraelin, si për çdo vend tjetër, duke përfshirë mënyrën e përdorimit të dërgesave dhe domosdoshmërinë e respektimit të ligjit ndërkombëtar humanitar”, tha Sekretari Blinken.

Por, ndërsa numri i viktimave civile në Gazë vazhdon të rritet, qëndrimi i Shteteve të Bashkuara është kritikuar ashpër në Forumin e Dohas, i cili mbahet çdo vit për të diskutuar sfidat botërore.

"Nuk varet vetëm nga Izraeli. Janë ata që u kanë dhënë izralitëve dritën e gjelbër për të vazhduar vrasjen e palestinezëve”, thotë kryeministri palestinez, Mohammad Shtayyeh.

"Në Shtetet e Bashkuara patëm një bisedë shumë të hapur me Sekretarin Blinken. Të gjithë ne, delegacioni arab dhe mysliman ishim shumë të qartë, përparësitë tona janë të përcaktuara – ndaloni agresionin, lejoni furnizime të mjaftueshme humanitare në gjithë Gazën, siguroni mbrojtjen e civilëve”, thotë Ayman Safadi, minister i Jashtëm i Jordanisë.

Në forum mori pjesë edhe Sekretari i Përgjithshëm i OKB-së, Antionio Guterres, i cili bëri thirrje për një armëpushim humanitar.

Nga Gjeneva shefi i Organizatës Botërore të Shëndetësisë, Tedros Adhanom Ghebreyesus paralajmëroi mbi ndikimet e luftës në shëndetin e banorëve të Rripit të Gazës.

“Ndërsa gjithnjë e më shumë njerëz do të mblidhen në zona më të vogla, mbipopullimi, mungesa e ushqimeve, ujit, strehimit dhe kanalizimeve po krijojn kushte për përhajepjen e sëmundjeve”, tha zoti Ghebreyesus.

Ai shtoi se organizata e tij ka dërguar ekipe për mbështetjen e punonjësve shëndetësorë në terren, të cilët tha se janë të rraskapitur fizikisht dhe mendërisht./VOA

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Turi: 11/12/2023 16:37

    Kjo tregon dhe njehere qe ju jeni vendi me “demokratik “ ne bote o plera te felliqur qe nuk keni turp dhe dilni si paqesore . Jeni vend nazist qe jetoni duke vrare popujt e botes , por mos mendoni se do te jeni pergjithmone se koha po ju iken

    Përgjigju
  • Sondazhi i ditës:

    A e forcon sigurinë dhe rolin e Shqipërisë baza e NATO-s në Kuçovë?



×

Lajmi i fundit

Kupa e Shqipërisë/ Egnatia në gjysmëfinale, mposht 3-1 Laçin! Partizani pret Kukësin

Kupa e Shqipërisë/ Egnatia në gjysmëfinale, mposht 3-1 Laçin! Partizani pret Kukësin