Drejtori i Inteligjencës Kombëtare në SHBA Dan Coats, ka njoftuar dorëheqjen e tij nga posti nëpërmjet një letre dërguar presidentit amerikan Donald Trump.
Ish-senatori republikan nga Indiana, u emërua në postin e lartë në vitin 2017 dhe që prej dates 15 gusht ai nuk do të jetë më Drejtor i Inteligjencës Kombëtare.
Për punën e tij, Coats mori vlerësime nga të dyja partitë.
![](https://shqiptarja.com/template/img/NO_ALFA_Kuadrate shqiptarja.png)
Lideri i maxhorancës në Senat, Mitch McConnell tha se falë drejtimit të Coats, Inteligjenca ka bërë një punë të mirë në mbrojtjen e demokracisë kurse Nancy Pelosi nënvizoi se 76-vjeçari ishte i respektuar nga të gjithë pasi është një patriot amerikan.
Presidenti Trump ndërkohë ka emëruar kongresmenin John Ratcliffe si pasues të Dan Coats.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)