E Ngarkuara me punë e SHBA-së në Shqipëri Leyla Moses-Ones deklaroi në konferencën 'Demokracia përballë rrezikut të teknologjisë' se Tirana zyrtare është e palëkundur në partneritetin me Amerikën duke ua bërë të qartë disa vendeve, referuar Rusisë apo Kinës, se disa gjëra nuk janë në shitje. Theksin kryesor diplomatja e SHBA-së e vendosi te teknologjia 5G dhe lufta me Kinën. Moses-Ones e cilësoi teknologjinë 5G si një cështje me shumë rëndësi duke vlerësuar qëndrimin e Shqipërisë.
"Është një infrastrukturë komplekse dhe kritike. Kjo është një cështje shumë e rëndësishme. Ka vende kaq të palëkundura në botë në këtë partneritet dhe Shqipëria në bën shumë krenarë. Strategjia e Kinës për të përdorur marrëveshjet infrastrukturore. Por e kam thënë që Shqipëria e ka deklaruar se disa gjëra nuk janë për shitje. Liria nuk është për shitje, sigurisht që e vlerësoj shumë" tha ajo. Ndërkohë që kreu i PR-së, Fatmir Mediu referuar bisedës me të ngarkuarën me punë të SHBA-së tha se "Shqipëria do të jetë një nga vendet e para që do të firmosë memorandumin e bashkëpunimit për rrjetin 5G".
Presidenti i Asamblesë Parlamentare të OSBE-së, George Tsereteli u shpreh se tashmë lufta me armë është zëvendësuar nga ajo kibernetike dhe për këtë kërkoi bashkëpunim dhe kujdes nga Shqipëria.
"Do të takohem me të gjithë aktorët përkatës të politikës në Shqipëri. T'u kthehemi teknologjive të reja 5G, kjo është shumë e rëndësishme, që të kemi bashkëpunim me asamblesë dhe Shqipërisë. Sa i takon sigurisë kibernetike me teknologjitë e reja është në interesin tonë të punojmë më shumë me këto cështje.
Nuk është vetëm një garë për të përfaqësuar teknologjinë 5G por për sigurinë e rajonit. Edhe në Gjeorgji kemi risqe dhe kërcënime nga Rusia. Kemi një luftë të madhe kibernetike dhe vendet duhet të bashkëpunojnë shumë më tepër për të parandaluar masa të tilla" tha ai.
Ish këshilltari për Sigurinë Kombëtare i Shteteve të Bashkuara të Amerikës dhe ish-Komandanti Suprem i Forcave të NATO-s në Europë James Jones e kishte të drejtpërdrejtë mesazhin për autoritetet shqiptare sa i përket rrjetit 5G kur tha se liderët shqiptar duhet të bëjnë zgjedhjen e tyre. Gjeneral amerikan James Jones fokusin te fjala e tij e vendosi te lufta me Kinën. Ai tha se Rusia është një fuqi në rënie, ndërsa shqetësimi kryesor është Kina dhe tentativa për të kontrolluar të dhënat globale përmes teknologjisë 5G.
"Shqipëria përgatitet për të azhornuar rrjetin saj në 5G vitin e ardhshëm është e detyrueshme që liderët e saj të vendosin se kujt do ti besojnë. Teknologjia 5G do të jetë sistemi që mbërthen sensorët. Vendet që do të rrokullisen të parët do të përfitojnë avantazhet e lëvizjes, do të krijojë begati për të përmbushur angazhimet ndaj miqve dhe aleatëve. Rusia një fuqi në rënie është shqetësim strategjik. Me modelin dhe sjelljen e Kinës, 5G mund të përdoret për të kontrolluar të dhënat globale. Kina ka qëllimet e saj strategjike për pajisjet e saj të rrjetit.
Kina e shikon përdorimin e pajisjeve 5G si platforma tregtare inteligjente që vendosen në zemër të sistemeve të kombeve në të gjithë botën. Ato i japin në dorë një lak shumë të fuqishëm. Kalimi në 5G i ofron miqve të SHBA një mundësi të artë për të ndërtuar një siguri më të madhe kibernetike për të përmirësuar sigurinë e rrjeteve tona. Diskutimet për 5G po bëhen gjithnjë e më serioze. Shqipëria ka treguar qartë se është pjesë e luftës dhe tani është koha e duhur për të bërë më shumë" tha ai.
Kryetari i Kuvendi, Gramoz Ruçi kritikoi edhe njëherë vendimin e BE-së për të mos hapur negociatat me Shqipërinë dhe Maqedoninë. "Refleksioni i parë është asimetria midis integrimit në NATO dhe integrimit europian. Çështja e sigurisë në rajonin tonë ka një garant, që është NATO. Por perspektiva e NATO-s për sigurinë është më e qartë dhe më e avancuar se perspektiva e Bashkimit Europian. Kjo provohet edhe nga fakti që mjaft vende të rajonit janë anëtare të NATO-s, por nuk kanë ende një perspektivë të qartë drejt BE-së. Serbia dhe Mali i Zi kanë çelur negociatat, por janë në vend numëro. Shqipëria dhe Maqedonia e Veriut u refuzuan pa të drejtë dhe pa e merituar nga ky proces në mbledhjen e Këshillit Europian të 17-18 tetorit. Ndërsa Kosova dhe Bosnje-Hercegovina kanë një perspektivë edhe më të paqartë.
Kjo pozitë asimetrike midis integrimit në NATO dhe integrimit në BE dëmton jo vetëm vendet e rajonit, por edhe vetësigurinë e BE-së. Çështja e dytë lidhet me influencat e jashtme në rajon. Ballkani Perëndimor ndodhet në kryqëzimin e influencave të qytetërimit perëndimor dhe atyre joperëndimore. Qëndrimet e dyzuara të vendeve skeptike, Francës, Holandës dhe Danimarkës dhe imponimi i tyre ndaj Këshillit Europian, natyrshëm lëshon terren për fuqitë joperëndimore. Unë nuk mendoj se refuzimi i Këshillit për të hapur negociatat do të pasohet imediatisht nga rritja e influencës së tyre. Por duhet të pranojmë se jo të gjitha vendet e rajonit kanë të njëjtin vokacion perëndimor si Shqipëria. Stofa e shoqërive dhe e kulturave të tyre është më pak pro-perëndimore sesa jona.
Rrjedhimisht, disa nga fqinjët janë më pak të imunizuar nga influencat joperëndimore. Çështja e tretë lidhet me specifikat e sigurisë kibernetike në rajon. Konkretisht, me shpërpjestimin midis importimit të arritjeve teknologjike, prirjes së popullsisë, sidomos moshave të reja të vendeve të rajonit për tu dhënë pas tyre dhe kapaciteteve më të ulta të ekonomive dhe shoqërive tona për tu mbrojtur nga rreziqet që vijnë prej shpërdorimit të teknologjive të avancuara. Rrjedhimisht, mund të ndodhë që i ashtuquajturi “demokratizim” i teknologjisë të kërcënohet nga i ashtuquajturi “demokratizim” i dhunës, e cila shfrytëzon teknologjitë e avancuara" tha ai.
Komente
Lajme të tjera
-
FOTOT/ Nga politikanët, diplomatët, artistët te mjekët e policët, kush mori pjesë në darkën e iftarit të shtruar nga Rama! Nuk mungon Gramoz Ruçi
9 Prill, 08:42 -
Masakra e 2 prillit/ ‘Repolitix’ sjell dokumente ekskluzive: Gramoz Ruçi i raportonte Ramiz Alisë për 4 protestuesit e vrarë në 1991
2 Prill, 21:20 -
Rikthimi i gardës të vjetër në PS sinjal për përballje titanike në zgjedhjet e 2025!
11 Shkurt, 12:21
-
SHIKONI FOTOT/ Asambleja e PS-së, bën bashkë të vjetër e të rinj Rama me atlete! Nuk mungojnë Ruçi, Dokle as Bushati e Lame
11 Shkurt, 11:24 -
“Një ditë terror, një vit qetësi” postulati nazist që komunistët përdorën për të shuar kryengritjen e Postribës! Ende s’ka drejtësi
1 Tetor 2023, 15:27 -
‘Edhe pse ishim ‘sterrë’ nga biografia prej vëllait tim, që ishte pushkatuar si ‘armik’, Gramoz Ruçi, na erdhi në shtëpi dhe…’ Dëshmia e fshatarit nga Tepelena
16 Korrik 2023, 18:39 -
32 vjet Parti Socialiste/ Rama: Karikojmë bateritë për 2025! Mbyllni shtigjet e vjetra ku hyjnë dorëgjatët
12 Qershor 2023, 08:13 -
Del Procesverbali/ Nazif Bezhani: Dosja e Rustem Gjatës si spiun i UDB është shumë e madhe! Gramoz Ruçi: Pse Berisha e zgjodhi në Kushtetuese?
2 Maj 2023, 16:32
-
Sot një vit Gjykata Kushtetuese rrëzoi kërkesën e mazhorancës për ta shkarkuar si President, Meta: Kuvendi falsifikoi dokumentet, SPAK ende asnjë hetim
16 Shkurt 2023, 18:53 -
Ku je Gramoz Ruçi? Kur bilbilat këndonin jashtë Parlamentit!
16 Shkurt 2023, 17:53
-
Ylli Pata: ‘Plumb ballit’, efektet 30 vjeçare të dhunës si mjet politik në Shqipëri
20 Shtator 2022, 18:32
-
Veliaj takon Ruçin: Nuk ka si të dielat me shokun Gramoz
11 Shtator 2022, 14:52
Fatmir Mediu I denuar nga gjykata italiane dhe ne Shqiperi na tregon pallavra.
Përgjigju